متى ينتهي هالتخلف

الموضوع شي بخاطري لي فتره قلت اشاركم انا حامل وبدخل الشهر السادس المهم يابنات اخذت عهد على نفسي اني ماسوي تحليل نوع الجنين لاني سبق وجبت بنات وببنتي الاخيره تعبت نفسيتي من كلام الناس اخ بس مابي اتذكر تخيلو حتى فيه ناس مازاروني وغير الكلام الي يوصلني والي بوجهي ليش عشاني جبت بنت ! والضغط اكثر شي من اهل زوجي والله مدري وش اقول بس فعلا حملي هذا اتمنى ولد  لان مابي اجيب بنت ثانيه وتمر بمجتمع تعبان كذا يشوف ان البنت ناقصه  والله بنات احب البنات وانبسط فيهم يوم يجون بس تعبت من الناس حسبي الله عليهم حتى منهم الي يحرض زوجي يتزوج عشان يجي له ولد اصلا نوع الانجاب من عند الاب وانا مااقدر اختار وش اجيب وش مااجيب  المهم دعواتكم ومادري اسوي السونار ولا لا ايش رايك اوقات اقول اسوي بس ماراح اقول لاحد :) لاني مابي اخرب علي فرحتي عشان الناس الملاقيف ولو بنت بجهز لها واستقبلها واحبها وانبسط لها ولو ولد نفس الشي لكن مابي يجيني ضغط قبل اولد