مجرد فضفضة عن حياتي

السلام عليكم اخواتي
بالبدايه مدري كيف اببدا
انا عايشه بعايله كلها مشاكل ابوي ظالم واخلاقه سيئه مايصرف علينا ويجرحنا بالكلام ويظلمنا ويضربنا حتى مره اتهم اختي بشرفهاومره كنت انظف غرفه اخواني كانت فاضيه ويجي يهاوشني يقول ليش داخله غرفتهم وش تسوون شكااااك هو وجدتي عايشه معنا بالبيت وهي اظلم واظلم من ابوي ياما ظلمت امي وبهذلتها بحياتها وهو معاها ويصدقها من واحنا صغار وهم يظلمونا ويدعون على امي قدامنا امي ضعيفه شخصيه وعلى نياتها طيبه بزياده صبرت عليهم صبر وفوق هذا عمتي المتزوجه هذي ماخلتنا بحالنا جت تبكي عند ابوي وتقول ان امي حاولت تقتل ولدها وتقول لامي تبين اعلم زوجك بسوالفك وامي قالت الله يشوفك حرام عليك وابوي صار معها وماصدق امي وامي ماغير تبكي قدامنا شعور يجرح وفوق هذا راحت تخطب لابوي وابوي صدقها وبغى يطلق امي
والله مايصرف علينا كاننا فقراء والله ملابسي قديمه اخذها من امي او خالاتي الحمد لله على كل حال واللحين يلمح لنا انا قاعدين على قلبه ويبي يزوجنا من اي احد المهم جدتي يوم مرضت محد نفعها الا امي بناتها قطعوها وامي هي اللي تاكلها وتشربها وتغير لها وتغسلها ادعوا لامي يعوضها ربي بالجنه وتحسبونها صارت طيبه لاااااا للحين ظالمه وتناظر فينا وش ناكل وش نشرب وتحاسب على كل شي وتقوله لابوي وجدتي هذي ماخلت احد في حاله حتى انها ظلمت وحده من جماعتنا اتهمتها بالزنا والله الحرمه نعرفها وطيبه ومحترمه وجا زوج الحرمه وجاب المصحف لجدتي وحلفت بالمصحف وهي كاذبه
وانا يابنات تعقدت من الناس احس ماقدر اتزوج اخاف يطلع مثل ابوي وجتني عقد نفسيه وماصرت اثق باحد حياتي جحيم حتى اختي اللي احبها صارت تتمشكل معي وكل كلمه تمسكها علي ماعندي احد احكي معه احس اني وحيده ااعذروني ككلامي ملخبط. وفيه أشياء كثير ماقدر اقولها ادعو لي ولامي