مجرد فضفضة وياليت الاقي الي تنصحني

والله يا اختي كانك تتكلمين عني ..مرة منظمة واحب الترتيب ...لدرجة ان زوجي يقول لي انتي موسوسة ..

وعندي بنتين .. الكبيرة 3 سنوات و4 اشهر والصغير بتكمل السنة .. مرة شغل البيت مرة متعب وانا ما عندي شغالة.. وغير كذا يجيني صداع قوي .. الشقيقة من كثر التفكير والعصبية وعالجت فترة والحين رجع الصداع مرة ثانية ..

اعصب على بناتي وزوجي بعدين يضيق صدري واجلس اصيح ..

انا اقول شكل بيجيني اكتئاب حتى اهتم اذا جيت بروح لأحد لازم ارتب نفسي بدري وحتى اذا صار احد بيجيني اهتم من التنظيف ..

بس هالفترة لي 5 ايام تقريبا استغفر الله كثير والحمدالله نفسيتي ارتاحت .. وادعي ربي ييسر اموري ..

اكثري استغفار ... وصدقنيني بترتاحين ..

تدرين بعد انا مثلك اقول يا ليتني بااااردة ما اهتم من شي ... اشوف حريم يكبون عيالهم وعااادي تجين وبيتهم وسخ عااادي ما يهمهم .. عيالهم ينومون بلبسهم ويجلس عليهم يومين ... وعاااادي .. يطلعون ويضحكون وينبسطون ..

انا ما ابي اصير زيهم بس ابي اهدي شوي .. انا اتوقع لما اجيب شغاااالة بريح شوي ..


الله يعينا واياك ياقلبي .. احتسبي الاجر وربي يعينا على تربية اطفالنا ...


طولت عليك بس والله حاسة فيك ..


ام رند

يووووووووه كنك تتكللمين عني تخيلي لو ماياكل اضربه وابوه يقولي يامجرمه الاكل مو غصب لو بيجوع من نفسه راح يجي يقولك ماما ابي اكل وان نظااااااااااااميه مره المنديل ماابغاه يطيح في الارض وانا كمان عندي شغاله

طيب ألى متى تعصبين

ياأختي ريحي باااااااالك وبردي على أعصابك لايجيك ضغك وسكر

وينحااش زوجك

مافي أطفال ملائكة

هم كذا الله يصلحم حوسة وخراب

تنازلي عن بعض الأشيااء

شغلي قرأن

ام رند

انا نفسك عندي صداع نصفي من زماااااااااااان وانا في المتوسطه

والى الان تخيلي استخدمت كل الادويه

يقولي الدكتور باقي الادويه الي توصلك للادمان هي يمكن تحففلك الصداع

ونفس الشي لمن بخرج او احد يجيني

اجهز من ايام

واذا جات خرجه مفاجأه ما اروح احس اني مو مستعده :35:

مع انه في وقت بس الله المستعان


دلوعة ننو

الله يعننا والله شي خارج عن ارادتنا

فرس غلا

كل هذا الكلام اعرفه واحاول اطبقه

بس من شب على شئ شاب عليه

الله يهديك ان شاء الله

اكثري من الدعاء اختي واستغفري ترى عيالك راح يتعقدون

اعرف وحده زي حالتك من جد عياله مره يكسرون الخاطر على اي شي تعصب عليهم وماتشوفينهم الايرتعدون من الخوف وهم كبار