حبيت انزل لكم صور اطباقي:cook: كل يوم بيومه بس ظروفي مع الحمل مره تعبانه الله يهون علي وعلى الحوامل
الان بترككم مع الصور وبيان بالاطباق
السفره الاولى
عشوة انا وصاحبتي
كانت عباره عن ورق عنب وتبوله وسلطه مره لذيذه مكونه من ملفوف مبشور مع علبة زبادي و3 ملاعق مايونيز وفص ثوم مهروس مع ملح وليمونه معصوره وقبل التقديم خلطت معها عيدان بطاطس نكهه حاره ومره طعمها لذيذ
وسويت كشري ومحشي كوسا وباذنجان وشمابينا كمشروب وسويت فكره خونفشاريه الي هي حلى للسفره ماكان لي مزاج اسوي فقررت اجيب دانيت جميع النكهات واخذت ملعقه من كل نوع بالاكواب الصغيره وخليتها طبقات ويزنتها بحبيبات تزيين الحلى والحمدالله صار حلوو
السفره الثانيه
غدوتي انا وزوجي
عباره عن رز بالشعيريه واضفت له مكرونه مع بازلاء خضراء وكان طعم وحلو سويت مصقعه باذنجان وبطاطس بالاضافه للسلطه وبطاطس مقلي
السفره الثالثه
عباره عن غدوتنا بيوم من الايام
مكوناتها مكرونة بشاميل بالتونه والخضار وسلطة خضراء وورق عنب وكبه جاهزين
السفره الرابعه
غدوتنا بيوم ثاني
اصابع جبن مقلي جاهز بس انا قليته
مكرونه مسلوقه بيضاء عاديه
لحم مفروم معصج مضبوط وفوقه جبن مبشور
سلطة بصوص روووعه السلطه ماتتقيدي بشي اي الخضار الي عندك حطيه بالاضافه للتتبيلة سلطة كنور مره روعه
الصوص عباره عن صوص رانش مع زبادي ومايونيز ومن نفس التتبيله تبع كنور اضفت عليها ووضعتها على الخضار وصارت مره طعمه
وسلامتكم الله الله بالردود ودعواتكم الحلوه لعلها تكون مجابة الدعوه بتهوين حملي وشفائي من السكر