محتاجة افكار وتحضير لدرس غرزة النباته صف ثاني متوسط

اذا بتروحين لغرفة التفصيل أو نضمي البنات بشكل مجموعات ان امكن
جيبي معك احتياط قطع قماش مقصة وخيوط تطريز وإبر ومقص
وسيلتك تكون واضحة للجميع اختاري قماش سميك وخيط سميك ممكن صوف وابرة مناسبة وطارة الي يضعون عليها اقماش علشان يساعدك مع الشغل
ابدي بتوزيع البنات و تفتيش اغراضهم (نبهيهم من قبل )ووزعي على الي ماعندة علشان ما تقعد الوحدة بدون شغل وتسوي لك قلق
ابدئي بالمقدمة وذكر بشكل سريع انواع الغرز؟ (غرز للخياطة وغرز لتطريز) فائدة كل منها؟ خلي البنات يجاوبون باجابات مختصرة وخلي كل وحدة تقول الي عندها مع التركيز علىالتشجيع و النقد لكل وحدة هذي النقطة مهمة
خليهم يعددون بعض الغرز ؟ ومن هنا استخرجي الموضوع واكتبية على السبورة
عرفي الغرزة و ذكري استعمالاتها واعرضي بعض النماذج عليها
الاان ابدئي بالعملي
طبعا نبهيهم يقومون بنضم الخيط وتجهيزه كل وحدة تنضم 2:3 خيوط وتكون الابر جاهزة
حتى انتي جهزي ابرك وانضمي كم ابرة لانة مع الارتباك ياخذ وقت
اعرضي ادواتك (ابرة منضومة بخيط قماش مسطرة و قلم لتحديد الرسمة مقص)
نزلي اغراضك و
جيبي وسيلة اخرى عليها الخطوات جاهزه ممكن ملف تحطين فية اول خطوة وهي 1-نجهز الادوات لعمل الغرزة
هذي تكون في ورقة ثم عرض الادوات
2-رسم الشكل المراد عمل غرزة له ثم ارسمي على قطعة قماش خط نحني او مستقيم
3-نقوم بتثبيت الخيط وهذي الغرزه تكون لوحدها في قماش
4-ثم عمل الغرز اذا لها خطوات

تعرفيت اوراق الملف الشفافة الي تدخلين فيةممكن تضعين كل خطوة فية واحد ثم تجيبي مغناطيس وتعلقي كل خطوة على السبورة
ممكن تستفيدين منها كسؤال لتطبيق رتبي الخطوا التالية على السبورة
حاولي تسوين تقييم وتسالينهم عن كل معلومة قبل الانتقال للاخرى
وخليهم ينتبهون لك كلهم
روحي لكل مجموعة لا تكثري عدد المجموعات
وابدئي بالشغل العملي لكل مجموعة
بعد كذا مري على البنات وقومي بالتشجيع الضعيفات والثناء على المجدات

دعواتك لي بالذرية الصالحة المصلحة

لا تنتقلين للعملي الا من بعد ما تسالينهم عن النظري
راعي الوقت ولا زيدين الوسائل اكثر من الازم

تحياتي

جزااااااااك الله كل خير والله يرزقك بالذرية الصالحه
طب مثلا لو احط لهم لوحه كبيرة وعليها قماش واطبق عليها قدامهم كلهم؟؟
يصلح؟

يصلح عزيزتي لكن المجموعات افضل اخاف تنقدك اذا ماشافو زين
المهم ممكن تسوينها على قماش اوخيشة افضل من اللوح ممك تثبتين طرفة على اللوح وتشتغلين
سويها قدامهم وبعدين مري عليهم واذا حسيتي انهم ما فهمو لازم مجموعات
راح تقيمك على شغل البنات وانجازهم لان هذا يدل على حسن استغلال الوقت وقدرت على توصيل المعلومة
حاولي ما ترتبكين ركزي على شغلك ولا تعطي البنات وجة خليك حازمة علشان يمشون معاك
تراهم يستهترون بالمادة ولا يولونها اهتمام
ممكن انك تستخدمين دفت لدرجات لتشجيعهم وردعهم اكتمي الغيض ومشي حصتك لاتهتز ثقتك

عندي ملاحظة بسيطة غرزة النباته غير موجودة يفي منهج 2 متوسط..موجودة في منهج أولى متوسط - الوحدة الأولى - ص27


بالنسبة لعرض الدرس
طيب ليش ماتطبقيها عملي بالصور وتعرضيها عليهم بالبروجكتر...أحسن وأرتب....
وتقدري تستخدمي هذي الصورة:


وبعدها إعرضي صورة للغرزة النهائية

وبعد ماتعرضي الدرس على البروجكتر..طبقي عملي مع كل مجموعة..وخلي القماش اللي فيه الغرزة النهائية تدور على البنات عشان يشوفوها عن قرب