محتاجة المشورة .. أشتغل كوافيرة ولالا ؟؟؟

بسم الله الرحمن الرحيم


يا بنات والله محتاجة المشورة اليوم قبل بكرة

أنا من صغري وأنا أحب المكياج وأحب أعمل مكياج لي أو لغيري وكبرت وكبر معي هذا الحب و بعد ما تزوجت أخذت دورة في التجميل
الآن ودي أشتغل بهذي الدورة بأي صالون على أساس مكياج وشعر لكن زوجي معارض الفكرة تماما يقول ان مركزه الاجتماعي ما يسمح له تكون زوجته كوافيرة يقول لي عيب عليك اش وجهي مع الناس
بصراحة لما أفكر بكلامة أقول معاه حق لكن من جهة ثانية ودي بالشغلة هذي مووووووووووت
رحت لصالون قريب منا عشان اتفق معاهم لكن تفاجأت بالراتب قالت لي الحرمة عندنا الرواتب على 700 ريال بصراحة
ما صدقت وقلت زوجي معارض من غير مايعرف كم الراتب كيف لو درى أكيد بيقول لي الشغالة تاخذ أكثر منك
والله اني محتارة
يا ترى أقتنع بكلام زوجي وأقضب أرضي و أسلم ان هذي ماهي شغلتي ولا هي مركزي
ولا أركب راسي حتى بهذا الراتب ما هي مشكلة المهم أعمل اللي براسي
والله محتاجة الشورة الزينة يا بنات لا تبخلون علي بها
منتظرتكم راح أحدث الصفحة كل نص ساعة لا تتأخرون :(

ملاحظة : أنا حساسة وما أطيق الكلام الكثير أخاف لو اشتغلت وحده تطول لسانها علي كذا ولا كذا من الزباين وتضيق بي الدنيا أنا حابة المسألة مثل الهواية ولسا ما شفت عيوبها