محتاجة حد يسمعني

يعطيكم العافية عمجهودكم جميعا انا بصراحة هي تاني مشاركة الي بس بصراحة محتاجة رايكم انا متزوجة من عشر سنوات عندي اربع اطفال من سنة شرينا بيت كبير مشكلتي اني بطلت الحق داخل البيت والحديقة الخارجية والقعدات اضافة لطلبات اولادي وزوجي الاسوأ من كل هاد اني نسيت حالي خاصة بعد وفاة والدتييعني عمري ٣٤صرت ببين بالاربعينات وسمنت كتير وزني بعد ما كان بالستينات صار بالتمانينات صدقوني امبارح كان عنا مناسبة لاهل زوجي سمعت المسخرة باذني عشكلي وسمنتي خاصة انو زوجي وسيم وطبيب عن جد انخنقت حاسة حياتي كلها مخربطة بيتي وشكلي حتى السيب غزاني بشكل رهيب مفسيتي تعبانة ياريت تقبلوني بينكم وتساعدوني بنصايحكم خاصة انه بحس زوجي صار ينتبه هتقصيري بالبيت وبشكلي