محتاجة نصيحتكم وربي انا موسوسة بالخيانة

السلام عليكم


هلا اخواتي



بدخل الموضوع ع طول بما ان المنتدى مليان اخوات نصايحهم درر واقتننع انا فيها ويا ما استفدت منكم الله لا يحرمني منكم



ابي اقولكم معاناتي



انا انسانة غيووووورة بزيادة على زوجي بس احاول اني ما ابين له هالشئ وفعلا نجحت



بس الشيطان مسيطر علي من ناحية الوسوسة بالخيانة



انا كنت اقرا مشاكل الاخوات يوم يكتشفون خيانة ازواجهم وصرت اوسوس بهالشئ



حاولت اساعد نفسي



صرت معد اقرا اي مشكلة عن الخيانة



ابتعدت عن التفتيش وراه بجواله ولا اي شئ بتاتا لو يدق جواله وهو مو عنده ما اطل بالجوال اشوف من يدق




فعلا هالاشياء ريحتني كثير




لكن احيانا يسوي تصرفات غبية انا عاد ما يحتاج يهولها الشيطان في بالي واقول يمكن كذا وسوا كذا عشان كذا



وذيك الليلة لا تسالين عني كلها بكاء في بكاء ومعد اعرف انوم من الهواجيس والدموع اخرها امس>>>> وكل هذا بدون ما يدري هو



انا ما قصرت معه بـ (....) ابدا بالعكس حرصي عليه بزيااااااااااااااادة لاني اخاف انه يشوف غيري >>يعني من زود الغيره


ودائما اقرا عن هالشئ في المنتديات واطبق واجدد وكل شئ يعني ما قصرت بهالشئ ابدا بشهادته



اهتم اني البس له كل يوم لبس وازين شعري استشور واجعد



بس قريت وحده تقول انك اذا اسمريتي كذا راح يتعود ع شكلك فالافضل انك تكونين مرتبة والتزين الكامل بين فترة وفترة عشان ينبهر



وفعلا بديت اطبق هالشئ



المهم موضوعنا الاساسي وش اسوي اذا تسلط علي الشيطان وما يتسلط علي الا اذا تصرف زوجي تصرفات زي وجهه ما ودي اقولها



لدرجة اني احيانا اصدق هالوساوس بقوة واقول لو مالي ولد منه كان كشفته ولا قعدت معه ولا ثانية



بس بما ان عندي ولد الله يحفظه ما افكر بالطلاق ومدري ايش




تكفون اخواتي انصحوني



احيانا ودي اصارحه يعني اقوله ليش سويت كذا؟؟



بس ما ابيه يدري بهالشئ وراح ينصدم المسكين اني ما اثق فيه



مع انه والله ينوثق فيه بس الشيطان مسيطر علي





يالله اهدني وابعد الشيطان عني واذقني طعم السعادة يا حي يا قيوم