محتاجتكم ، الله لايوريكم مكروه (مستشفيات الاحساء)

طبعا انا ولدي الاول ولدته بالثامن
وبالحمل الثاني اجهضت بالرابع
وبالحمل الثالث ولدت بالسابع ومات الجنين
والحين انا حامل بالرابع ولي ٧ شهور

وهذي قصتي
http://forum.hawaaworld.com/showthread.php?t=4008293

وامس رحت المستشفى والدكتور يكذب علي هو مصري اخذي الكلام الكذب منه
يقول لي ابرة الرئه مفعولها بس اسبوع قلت له طيب كيف اسبوع يعني تكمل رئة الجنين
ثم اذا مر اسبوع تنقص الرئه
مارد علي كان يقول لي اذا عطيناك اياها الحين واذا جيتي تولدين وراح مفعولها ماينفع نعطيك
مره ثانيه لانها تسبب تآكل بأمعاء الجنين ثم قال لي هم يعطونها للي يشوفون فيها علامات طلق
واذا مصره نعطيك اياها نعمل لك الان تخطيط ونشوف
قلت له ايوا اعمل ، ولما عمل كان فيه طلق ومتباعد قال لي اي فيه طلق ولازم تنويم
قلت له اوكي ، قال للمرضه شوفي يستقبلونها او لا
راحت وجات قالت المستشفى يقولون مايستقبلون 28 اسبوع فقط 34 اسبوع وفوق
لان ماعندهم اجهزه للاطفال الخدج ومافي اطباء ومادري ايش
قلت له ولما انكم ماتستقبلون ليه ماقلتوا لي بالبدايه يعني بالبدايه قلتوا لي اذا جاك الم تعالي
والحين تقولون مانستقبل اقل من 34 اسبوع تبون توهقوني اوصل المستشفى وترجعوني
واروح احوس في المستشفيات
قال اسفين ومادري ايش مانستقبلك ، قلت له انتوا تضيعون الفرص خاصه ان طبيبكم ضيع فرصة ربط
عنق الرحم ولما دخلت ع الدكتوره قالت الله يسامح اللي قالك ماينفع تعملي ربط عنق الرحم
ولما قلت لها عن اسم الدكتور عندكم غيرت رايها وقالت بصي هو يمكن شايف حاجه انا مو شايفاها
قام يضحك الدكتور وقال يعني انتي ضحية اخطاء طبيه ثم قال الحين انتي فيك طلق تبين روحي المانع
قلت له اوكي وطلعت من عندهم ورحت المانع كان يقولون المانع بطاقة التأمين هذي مو عندنا لو انك
جايبه تحويله من العلي كان استقبلناك
وكان اطلع واروح مستشفى الولاده حكومي طبعا بعد مناقشات في السياره مع امي
واروح اهمال وسخ قذاره بالطوارئ ، حمامات تسد النفس ودم بالارض ومافي تنظيف
ويالله جات لي الدكتوره وقالت اعملوا لها تخطيط ويعملون لي تخطيط نص ساعه وتجي الممرضه
وتاخذ الورقه تقول اوريها الدكتوره ثم ترجع وتحطها من جديد وتخلي التخطيط نص ساعه كمان
وتاخذها وتوريها الدكتوره ثم تجي وتقول بغير لك الجهاز هذا الجهاز مدري شفيه
يعني حاطين جهاز خربان ليه ؟؟؟؟؟ لو فيه طلق ومستمر بسببهم بولد ؟؟؟ اهمال وتسيب
حطت لي جهاز ثاني نص ساعه وتروح توري الدكتوره ثم ترجعه اسألها فيه طلق ماترد وتخليه كمان
نص ساعه ثم توريه الدكتوره وتجيبه ترجعه وتجيها ممرضه ثانيه وتقولها حطي لها اوكسجين
اقولها ليه شفيه مايردووووون ويحطون لي اوكسجين وخلاص انا مووووت خوف
قلت شكل الجنين مختنق ولا انا بمووووت وماني حاسه ، وشوي تاخذ التخطيط وتوريه الدكتوره
وترجع تقول لي خلاص خذي اوراقك وروحي للدكتوره
خلاص انا خفت قلت لانهم جايين راجعين اكيد فيه شي رحت للدكتوره كان تقول لي مافي طلق
قالت لها امي شلون مافي طلق وانتوا جايين راجعين عليها معقوله
كان تقول ببرود هي لو حست فيه الم طلق زاد عليها تجي للمستشفى قالت لها امي هي قبل ميت عليها
جنين مثل كذا قصتها وعلمتها ، قالت اي خلاص لزاد الالم تجي
مدري وش هالغباء لايكون في التاسع انا عشان انتظر الالم ؟؟؟؟؟!!!!
وطلعت منهم ورجعت للبيت وانا اتحسب على هذي المستشفيات دمااااااار
حسبي الله ونعم الوكيل فيهم وعليهم[/

مرحبا
انتي حالتك حاله اولا انا المستشفيات هاذي مااحبها واحسها تلعب بالناس
ثاني شي الصراحه انا افهم بالطب عشان كذا مايقدرون يلعبون علي والعن ابو خيرهم
وبالحقيقه يااختي المصري والمصريه يلعبون عليك هزئيهم قولي لهم شكلكم ماخذينها شهاده بس روحي للمدير هزئيه قوليله الحين اتصل علي وزاره الصحه واشتكي لهم اهمال اطباء ماهم كفو وتلاعب بنفسيات المرضي كيف مافيه ابره رئه بقر هم
وانصحك روحي للولاده واطلبي دكتورة فلبينيه هي الي بتساعدك السعوديات الصراحه ولاشي ولا المصريات اطلبي فلبينيه قولي لهم اخر مستشفي واذا ماعجبني بتصل علي الوزاره عاد كملي حرتك واخذي رقم وزارة الصحه وقولي لهم عن التلاعب والله بيعتنون فيك وبيحبون راسك بعد هههههههه
هالاشكال لازم تهزئ

تخيلي مره وانا بولد بالولاده جابو لي ممرضه تراقبني بجناح الولاده جات تقيس قلت لها كم قالت 2 الالم شديد انا اعرف نفسي وبعدين قلت لها نادي رئيسه الممرضات وجاتني الرئيسه معروفه فلبينيه قلت لها قيسي الرحم زي الناس لاتجيبون متدربه تلعبون بالناس وانحرجت واعتذرت لي قلت لها اي خطاء الاداره ترحلك انتي وياها واسكتت لانها قاعده داخل تبلع وتاركه القرعا ترعي علي قولتنا

بالتوفيق لك والله يسهل عليك

لاحول ولا قوة اله بالله طيب شؤفي مستشفى ثاني مثل المانع الموسى المشافي والله يسهل لك

رفع
الله يسرر لك ي رب وتولدين بسلامه وتشوفينه بحضانك متعافي