محتاجه افضفض صدمتي بزوجي دمرتني

بسم الله الرحمن الرحيم



بكلمكم شوي عن نفسي انا قليله مشاركاتي اللهم بعض الردود ( ماعلينا مو ذا موضوعي
انا مشكلتي في زوجي لي 14سنه متزوجين بدون اطفال عنده ضعف في العدد انا بالنسبه لي عادي لا اعتراض على حكم الله
لاني ادري ان هذا شي مو بيده بيد رب العالمين مع العلم سويت 5 مرات اطفال انابيب ومانجحت وتدمرت نفسيتي وماقول غير الحمد الله
:44: لكن في اشياء بيد الانسان نفسه بعد الله (لاحظوا
مثلا اطباعه واخلاقه بيده يحولي حياتنا سعاده وبيده يحولها جحيم وانا صابره والشاهد الله وماقول نفسي اكون ام الا اتمنى
بس الحمد الله >>كني شطحت
المهمممممم بقولكم قصتي انا جميله ولله الحمد ومتعلمه وفاهمه وماينقصني شي بشاهدة الجميع الكل يقولي انت خساره فيه بس ماكنت اتأثر بكلام الناس لاني احبه قبل مده كان عنده ولد عمه وكان يسولفوا بصوت واطي في المجلس وزجي من النوعيه اللي كل خميس وجمعه يسافر الديره عاد ولد عمه لازم يجينا يالجمعه باليل او السبت عشان ياخذ الموجز من زوجي المهم اول ماكنت اهتم قلت عادي عيال عم ويسولفوا مع بعض في امور الديره وبعد مدة لاحظت ولد عم زوجي كل جمعه يجي عندنا مع ان زوجي يكون جاي من السفر تعبان لكن لازم ياخذ الموجز .
لعب الشيطان براسي وقلت مره خلني اسمع ايش يقولوا وادري انه غلط لكن الفضول قتلني حسيت ان في شي من وراي
وياليتني ماسمعت والله ان الجهل نعمه انصدمت بزوجي مسوي فيها الدون جوان على غفله .
وقاعدين يحكوا في فلانه وعلانه وتخيلوا اكتشفت ان زوجي معجب بوحده راعية غنم المشكله ان عمرها 35
وماعمر احد خطبها لاجمال ولا غيره ولا في وجه مقارنه بيني وبينها والله اني صادقه وهذا الي قهرني فوق صبري عليه ولا عمري تكلمت بموضوع الخلفة وكنت اقول ان هذا شي موبيده حسيته طنعي في قلبي والله اني قعدت اسبوع في صدمه
واكتشفت انه خلال 14 سنه وهو يلعب من وراي وان ياغافلين لكم الله والحريم يسألني ليه ماتغاري على زوجك
اقل لاني واثقه فيه طلعت هبله وانا مادري .
المهم واجهته وقال توبه وقعد يبوس الايادي عشان اسكت وعديتها .
وشي ثاني هو شايل يده مني يعنيلايوديني لاسواق ولا مشاويري اذا بغيت السوق رماني عند اهلي واخواني يودوني
ولا يتشرط ماروح مع السواقين اجل اروح مع من وساكته عشان احبه والله اني اتكلم وبداخلي غصه اس اني ضيعت عمري مع انسان مايقدرني وخايفه من بكره اذا راح شبابي يتزوج ويقولي الباب .
وين اروح حريم اخواني ماراح يتحملوني .
المهم استلمت حافز وعلى طول قالي بالعربي انا غير مسؤول عنك ومالي دخل فيكي .
قلت جل وش عازتي عندك الى هالدرجه انا حمل عليك مع انه مرتاح ماديا
وماعليه قصور وقفت معا وقفات الله يعلم بيها بس الحمد الله الله كشفه لي قبل فوات الاوان .
حسيته يستفزني وسويت مشكله وقال خلاص وفات الموضوع وبعد سحب صرافتي واخذ اللي فيها
والله يوم جتني رسالة البنك تم سحب الرصيد ماصدقت قلت معقوله يسويها :44:
وخذيت عفشي وقلت له باي باي في نظركم هل انا غلط ولا لأ .
وسامحوني ادري طولت بس مالياحد اشكيله واهلي ضد الطلاق مهما كانت الاسباب والوالد متوفي يعني تحت رحمة اخواني . ادعولي الله يفرج كربتي وعضني احسن منه .
استغفر الله واتوب اليه