اولا ابقولتس شيقبل لااحش واقطع جلد رجلتس قليل الخاتمه اولا استخيري دامتس عند اهلتس لاني لاانا ولا انتي نجري وين الخير فيه لكم

ثانيااا رجلتس قليل خاتمه وبصراحه وجهه مغسول بمرق وش يناظر 2000 وهو بخيرها الرجاجيل مايملي عيونهم شي وعشانتس حلوه وصفاتس زينه وتسكتين له كذا هم الرجاجيل اغلبهم موب صاحينيعني لازم نوريهم العين الحمراء عشان يتادبون وشذا ليه كذا بس

ودامتس طلعتي وخلاص لاترجعين الا بشروط وصرافتس غيريها وبلغي انها ضاعت وعساه مايتهنى فيها وش شايل يده اجل لو موظفه وراتبس 10000 وش بيسوي الظاهربيقول اصرفي علي وجع ببجاحتهم >>>>> خلصت حش


بالنسبه لنفستس انتي فكري بتقدرين تعيشين بعيده عنه بتتحملين والحب يفرق فيه حب عادي تتحملين فيه حب يقطع القلب معروف ماتقدرين تتركينه اللين ينزعه الله من صدرتس

وفي كل الحلاتين قررتي ترجعين او ماقررتي استخيري لاتنسي وفي تالي الليل الجاي لله سبحانه


وترى انا معتس على طلعتس اذا تبين رايي ويهمتس يعني موب كفو