محتاجه دخولكم ودعواتكم

السلام عليكم ورحمه الله وبركاته. كيفكم خواتي وحبيباتي بنات منتداي الغالي؟ انا جايتكم وكلي امل الاقي الكلام الطيب اللي يريحني ودعواتكم اللي تعطر صفحتي انا تعبانه نفسيا من وضعي وحالتي حاله المهم ياخواتي انا حامل حملي الثاني الله يتمم لي على خير ويسهل علي وعلى كل حامل وعندي بنت عمرها سنتين شقيه وحركيه وبس تحوس انا وانا امها ساعات ماقدر عليها تفلت اعصابي منها الله يهديها يارب ماتخليني اغير ملابسها ولا حفاظها الا بعد جهد جهيد واشياء كثيررر. امي الله يهديها ماتحمل الاطفال وماتحبهم وكل ماروح لها او تجي لمي تتاذى من بنتي بنتك ترحل ديرة وبنتك وبنتك واحيانا تلعنها وانا اسكت لانها امي وغير كذا ماتبي احد يزورني بنفاسي ولاتبي تستقبل صديقاتي وزواري وموظفه وماعندها خدامه ولهالاسباب بجلس ببيتي نفاسي وعندي اخت ماتعرف للاطفال ووقت ولادتي بتكون تدرس وميزانتي مره ضعيفه لدرجه ماخلصت تجهيزات البيبي لهالسبب ماقدر اجيب خدامه لان اسعارهم من الالفين وطالع وبيتي صغير غرفه نومي وغرفه جلوس وصاله ودورة مياه ومطبخ بس يمكن اجيبها باليوم او بالساعات اذا جاني مبلغ والحمدلله عندي غساله اتوماتيك تريحني بالغسيل وزوجي يدرس الصبح ويداوم العصر وام زوجي كبيره بالسن وعندها ابو زوجي مريض يعني مقدر اخلي بنتي عندها وزوجي ماله خوات تعبت يابنات من التفكير همي كله بنتي وولا البيبي مقدور عليه كيف بخليهم ينامون سوا مو هذا ينام وهذا يقوم والاكل صديقاتي ماراح يقصرون لانهم بنفس حارتي. وبعض الاشياء فرزنتها الحمدلله قلت لامي تعالي عندي قالت اذا زوجك فيه ماراح اجي ولاجاك زوار بطلع مابي اشوف احد. واذا جت وعملت حاجه برضاها تقول انا عملت وانا سويت وانا مانمت عيالها ماخلوني انام ومن هالكلام الله يهديها بس. دعواتكم لي