السلام عليكم ورحمة الله وبركاته
اخواتى بالله عليكم عايزه رأيكم لأنى فى حيره شديده من أمرى
انا ان شاء الله راح اكتب عقد شقه قريبا و الشقه مش متشطبه على الطوب
وطبعا مش هقدر انى اشطب فى الشقه لانى بدفع ايجار كبير فى الشقه اللى انا عايشه فيها حاليا
ففكرنا نجلس عند ام زوجى وهى معانا فى نفس العماره اللى بنسكن فيها الان
حتى نوفر ايجار الشقه ونقدر نعمل جمعيه او شئ نشطب بيه شقتنا
بس المشكله انى قبل 5 سنين تقريبا كنت جالسه معاها فى شقتها لمدة سنتين
و تعبتنى جدا جدا وشفت ايام لا يعلمها الا الله
وفى الاخر حصل مشكله و ذلتنى وقالتلى انا مقعداكى فى شقه متحلميش بيها وقلتلى خدى ولادك و امشى من هنا لانى انا رديت قلتلها انتى مش معيشانى فى جنه انتى معيشانى فى جهنم وحسبنت عليها بس مش فى وشها و كانت دايما هى و اخواتها متضايقين من نقابى وعايزنى اخلعه قدام اخوات زوجى وكانوا اخوات زوجى الرجال بييجو فى كل الاوقات مع العلم ان الشقه ضيقه و عشان اخرج من حجرتى للحمام او المطبخ لازم البس العبايه و النقاب و كانت دايما تقول لعيالها مش بيتها ده بيتى انا تعالوا براحتكم
و كانوا اهلى مش بيجولى
وكانت بتدخل فى كل شئون زوجى واول ما ييجى من الشغل تخدو حجرتها و تحكيله كل حاجه حتى لو زعقت لعيالى تقولو انى صوتى عالى وولادى كانوا توأم رافضيين يرضعو صدرى
طلعت اشاعه وفضحتنى فى العيله و عند الجيران انى مش راضيه ارضع عيالى
وحاجات كتير مش عايزه اطول عليكم المهم عنيت من مرض نفسى اكتئاب و هلع وكنت باخد علاج لفتره طويله بعد ما سيبتها لانها لو صبغت شعرى حتى كانت تقول لاخوات زوجى وتدخل حتى فى حمومنا انا وزوجى و العلاقه الخاصه
انا دلوقتى مش عارفه اعمل ايه مرعووووووبه من العيشه معاها لانى مش عارفه كام شهر ولا سنه الله اعلم حسب ما اجهز شقتى استحمل و خلاص ولا اعمل ايه مع العلم ان شقتها صعبه جدا مش متوضبه والحمام والمطبخ مبهدلين ومعذره يا جماعه النضافه مش موجوده خالص بقرف جدا وبحس انى هتقيئ من تصرفات كتير اثناء عمايل الاكل و الكراكيب كتيييييييييير فى البيت و انا مش بحب الفوضى انا محتاره ومش عارفه اعمل ايه وخايفه العلاقه تخرب بينى وبين زوجى
أم أنس العسول @am_ans_alaasol
عضوة جديدة
يلزم عليك تسجيل الدخول أولًا لكتابة تعليق.
مجرد انسآنه ♪♥
•
ربي يكون بعوؤنك ياعمري
لايكلف الله نفسا الا وسعها وانتي جربتيها وتعبت ومرضتي بسبب تصرفاتها والحين علاقتكم بصفه عامه كويسه لاتسكنين عندها نهائيا حاولي انتي وزوجك تخلصون لكم غرفه وحمام ومطبخ من شقتكم والباقي اذا سمحت ظروفكم او روحي عند اهلك بس ماأنصحك تروحي عند ام زوجك زوريها وسلمي عليها ولاتقاطعينها بس سكن لا
Angel>
•
انتبهي ترجعين للبيت الي انهنتي فيه وانتي قلتيها بنفسك جلستي تتعالجي فترة طويلة هل انتي مستعدة تتعالجي مرة ثانية يااختي لا كلف الله نفس الا وسعها انتم صلحوا المطبخ وحمام وغرفة وأسكنوها والباقي شوي شوي ولا استأجر وا شقة صغيرة جداً مثل الملحق على ما تخلصوا بيتكم
انتبهي يااختي المال يجي ويروح الا الصحة ماتتعوض وخصوصا الصحة النفسية لانها ركيزة لجميع الامراض الجسدية
انتبهي يااختي المال يجي ويروح الا الصحة ماتتعوض وخصوصا الصحة النفسية لانها ركيزة لجميع الامراض الجسدية
الصفحة الأخيرة