السلام عليكم ورحمه الله وبركاته
ابي بموضوعي هذا رد من الحكيمات وليه اخترت الحكيمات لاني ابي انفذ الحل ماعندي عقل يفكر بجد مليت
بختصر مشكلتي
متزوجه انا وزوجي من 11 سنه وبيننا أطفال وذكرت لكم قبل ان زوجي ملتزم بس مشكلته لسانه يسب ويشتم اذا متضايق مايقدر يمسك نفسه
مشكلتي الحاليه اللي ابي لها حل جوالي من أسبوع خرب شحنته ولع ومن نفسه طفا أحاول اشغله اشحنه خربان مايولع
قلت لزوجي صلحه محل الاتصالات جنب بيتي وش رد قال مانيب فاضي رحت ل اهلي زياره قال خلي اهلك يصلحونه قلت مو مشكله طيب قلت عطني فلوس عشان يصلحونه قال ماعندي الحين خلهم يصلحونه واذا صار معي فلوس بعطيهم طبعا هو يكذب لاني اعرف زوجي عنده فلوس وبيلقى وقت يزينه بس مااشتهى يزينه
وانا بصراحه اللي شاريه الجهاز حقي قبل سنتين عاطيه اخوي فلوس من عندي وشرا لي لان زوجي قبل سنتين رافض يشتري لي
وش الحل معه ماابي انا اصلحه او اعوده اني اشتري علما اني غير موظفه ولا عندي دخل وهو اللي رافض وظيفتي
هذا الكلام من أسبوع وجوالي راميه فوق الطاوله مدري وش الحل عايشه أسبوع بدون جوال ودوامه بعد ساعه عن بيتي ولا بالبيت احد عنده جوال غير زوجي حتى بالبيت مافيه تلفون ثابت وش الحل معه
يلزم عليك تسجيل الدخول أولًا لكتابة تعليق.
يقولون بنات الصلال
•
دوامه يبعد ساعه عن بيتي ويجلس بالدوام10 ساعات مع الطريق
dahmy012
•
الله يكون في عونك
خليك لطيفة معاه واول مايدخل البيت إستقبليه وانت مبتسمه وكل مايقلك شي قولي له ابشر إلي تامر فيه ولا ترفضيله طلب ولا تفاتحينه في اي موضوع وهو زعلان او جاي من الدوام وهو تعبان ولا تخلين له اي طريق زعل من ناحية الأولاد ونظافة البيت وبخري البيت وعطرية وبإذن الله تتغير أمورك للأحسن
خليك لطيفة معاه واول مايدخل البيت إستقبليه وانت مبتسمه وكل مايقلك شي قولي له ابشر إلي تامر فيه ولا ترفضيله طلب ولا تفاتحينه في اي موضوع وهو زعلان او جاي من الدوام وهو تعبان ولا تخلين له اي طريق زعل من ناحية الأولاد ونظافة البيت وبخري البيت وعطرية وبإذن الله تتغير أمورك للأحسن
تسلفي من احد اخوانك او خواتك وصلحيه وردي لهم المبلغ من مصروف البيت هذا اذا زوجك بيعطيك مصروف 😢. مستحيل اجلس بالبيت من دون جوال تخيلي يصير فيك شي او واحد من عيالك لا سمح الله وش بتسوين... الله يسخره لك
كيف ملتزم ويسب!!!" المفروض منه يعطيك مصروف شهري وانتي ضبطي جوالك من مصروفك اللي فهمته ان ما يعطيك مصروف ؟؟والمفروض انك تتطالبين بحقك اذا ما يعطيك وهذه المشكله ما يعطيك فلوس ورافض وضيفتك كلميه بهداوه وع رواق انك لازم يكوم عندك جوال ما يندرا ممكن يصير معك شي فالجوال مهم جدا وان ملزوم يعطيك مصروف او انك تتوظفين وتصرفين ع عمرك
انتي نفسي جوالي خربن له اسبوع ورفض يصلح اخذت جوال زوجي الاول بعد يعلق ولاعندي وظيفه ولامصروف الله يرزقنا يارب انا وانتي
الصفحة الأخيرة