محتاجه وقفتكم

السلام عليكم ياحريم
كيفكم ان شاء الله بخير
اول شي انا صديقه لبنت غير ومتزوجه
ثاني شي اتمنى انكم تساعدوني لو بدعوه

انا متزوجه لي اربع شهور ماحبيت زوجي وقت الملكه بس مرتاحه له ودخلت عليه والحمدالله على كل حال زوجي انسان مزاجي اذا جاء وقت دوامه يخليني بالبيت ويروح للدوام واحياناً يكون دوامه استلامات يعني من الليل لحد الصباح وانا اجلس بالبيت لحالي واذا قلت شي قال انتي مو بالبيت لحالك اخوي تحتك وانا ماحب الحرمه تروح عند اهلها كثير وقت استلامات الزوج والله اني ابكي قهر ابي اروح عند اهلي احسن من الجلسه بين الجدران لحالي واحياناً يقول امشي معي انزلك عند وحده من خواتي اقوله لا اخاف اروح ويكونون مشغولين ولاهين ببيناتهم وازواجهم وكلمت امي تخلي ابوي يكلمه ويفهمه عن الروحه ان هذا بيت اهلي ومافيها شي اجيهم اي وقت وخايفه من ردة فعله واذا صارت مشكله بينا يقول لاتقولين لا اهلك عنها اتفاجأ ان اخواته يدرون ليش انا اسكت وهو يتكلم وعادي عنده والشي ثاني رافض يدخل النت للبيت يقول مايدخل ولاتناقشيني فيه هذا غريب علي انا مابي اكون نفس اخوي مايدري عن شي المويه تمشي من تحته وهو مايدري مع العلم ان تحت عند اخوه dsl بس هو رافض يشتري جهاز ورافض يخليني اجيب جهازي من بيت اهلي يعني انا مافهمت قصده حاولت افهمه اني اغير وزوجة اخوه اذا شايف عليها شي غير بس مافيه فايده تعبت والله العظيم :06:
انا اقول يمكن هذي عقوبه من ربي لان قبل زواجي كنت محافظه على السنن وعلى صلاة الوتر واقراء قران وماأسمع اغاني بس بعد ماتزوجت الله يهدينا بس اصلي الفريضه ولساني دايم اغاني يعني اهملت من الناحيه الدينيه واحياناً اقول لا والله الرجال مريض نفسي وشكاك ويشوف الحريم نسخه من اللي تحتي ساكنه :06: