محتارة بالعنوان ....

السلام عليكم ورحمة الله وبركاته

محتارة بالعنوان والموضوع كله ماني عارفه إيش أكتب ..
لأني من جد أحس إني وسط بحر لجي ومحتارة بوضعي ..

المهم ...

كنت عايشه مع زوجي مبسوطه وسعيده ..
أدخل النت بس عشان أدور الأشياء اللي ممكن تسعده .. أدور سعادته ..
وبالنسبه له هو .. أنا بواجه رب ماهو ظلام للعبيد ... والله كان يدور سعادتي وراحتي إلى آخر وقت ..
حتى لما تزوج على لظروف خاصه .. ما أنكر إني تاثرت كثير لكن برضو كنت أحس إني أنبسط لي شفته مبسوط ..
ووالله إني كنت أسولف معه عن خطيبته .. وشريت معه بعض أغراض زواجه .. قالك ملاك >>> هذي انا يعني .. لكن إيش أسوي واقع وانفرض ما في مجال لرفضه ..
المهم طبيعي بعد زواجه بيتغير الرجال وهذا ما يبيله كلام >>>>>>>>>>> طبعا ُ أول زواجه بس .( داخل على مرة جديده ..

المهم ..

أزمه وعدت واستقرت الحياة وحاول الرجال يمسح الجروح اللي جرحها لي وخاصه إنه يشوف الفرق بيني وبين المرة الثانيه بشهادته هو وبشهادة تعاملها معي تغار مني موت حتى السلام في الجمعات ما تسلم علي .. ولو أدق لحاجه تسوي هليله عجيبه تسب تلعن تقول كلام يستحي منه العاقل >>>>>>>> تخليني مرات أشك في نفسي مين اللي جاية على الثانيه ؟؟؟؟!!!!!!

جبت بعد زواجه بنوته حلوة كنت رافضه الحمل فيها لأن النفسية كانت زفت والحمد لله بعد كذا تغيرت حياتنا وتقربنا لبعض أكثر لكن مهما حاولنا نتقرب لبعض مع إنه يحبني وأحس بكذا وأنا أحبه وهو يحس بحبي له إلا إن المشاكل بينا ماتنتهي وبصراحه أنا ما أدري إيش يجيني ..
بعد ما صار للبنوته خمس شهور حملت بتوأم والله يغفر لي بغيت أنجن ما أبغى حمل خلاص عندي أربع أطفال وأشوف حياتي غير مستقرة المهم قدر الله لي وماتو التوأم أثناء الولادة ولهم من الحمل ست شهور .. أثناء النفاس أنكسرت إيد بنتي الصغيرونه وراها بأسبوع إنكسرت إيد بنتب الكبيرة ــ عمرها خمس سنين ــ ..
زوجي كان يخدمني بالحمل بشكل خيالي ما ألمس شي في البيت كان يطبخ ينظف يغسل ثيابنا كل شي حتى فطوري يقوم من النوم يسويه ويجلسني عشان أفطر .. كنت أقول عشان عياله اللي في بطني ..
لكن بعد الولاده وبعد موت التوأم كان ضايق خاطرة حيل وتحمل مني كلام قاسي ..
المهم بعد الأربعين كان دايم يقولي أهم شي راحتك أبغى نعيش الحين لأنفسنا ولعيالنا يكفي اللي ضاع من عمرنا ..
أنا ما أنكر أني أبادله نص الشعور هذا لأني ما أدري إيش اللي فيني يوم دخلته علي كن داخل علي شيطان أحسب الدقايق اللي بيمشي من عندي فيها وهو والله يبغى يسولف ويوسع صدره معي ..
لكن أنا بي نفور ما أدري إيش سببه >>>>>> ترى مشاعر مو معامله ..
لكن ما أنكر تجي بينا مشاكل زي أي مشاكل تجي بين زوج وزوجته ...
المهم صارت بيني وبينه مشكله وطرف من أطرافها زوجته >>>>>>> أو بالعربي بيني وبينها حصل تاش أو صدام ...
وصار بسببه الطلاق مو الطلاق لا لا لا بل البينونه الكبرى :blink:
الكل حولي واللي يعرفني واياه مصدوم مستحيل طلاق بينكم مستحيل .. أختي تسب وتشتم فيه وتقول الظالم انا كنت اقول روميو وجولييت ...
انا وضعي عجيب مو مصدومه حيل ما أدري هل بيجيني وقت وباوعى يمكن مأثر فيني أطفالي ولا الرجال ما أدري ليه إحساسي مرة متبلد مع إني يوم جيت أحذف رقمه من جوال بعد الطلاق كان إسمه في حبيب روحي ونغمته روحي بيده .. سبحان الله ...
هو من النوع الحنون جدا ً جدا ً ..
اللي مذهلني إنه ما يسأل عن عياله ميتين عليه يبون بس يشوفونه وهو ولا هامه ..
ياخذهم ثلاث ساعات إو خمس ويردهم وهالأسبوع شافهم على الباب بس أقولهم تبون أوديكم لبابا يقولون إيه تجلسون عنده يقولون إيه وانا ما أدري إيش أسوي أوديهم يرد قلبهم أخاف يروحون ينصدمون بجفوته وأخاف يحسب إني مرسلتهم نحاسه ولا أدري شسوي فعلا ً محتارة ..
ترى طلاقي ما خذ له إلا شهر هالحين ...
انا أقول الرجال مو طبيعي:35: إستغفر الله ولا أحط في ذمتي وما أتهم أحد والله أعلم وبيبين كل شي فوق الأرض تحت الأرض يوم العرض بيبين لازم ...

لكن المشكلة هالأطفال :04: مـــــــــــــــــــــــــــــــــــــــــــــــــالهم ذنب من جد ..

:06:
أي دعوة مخلصة وراي تكفون ..