محتارة في مشكلتي

السلام عليكم
كيفكم
بنات ابي نصايحكم في مشكلتي مشكلتي هي ان زوجي له صاحب عزابي وكل يوم يتصل على زوجي يطلع معه ويفرفرون اخر الليل بالسيارة وطبعا صاحبه هذا لقيت له رسايل يشجع زوجي على السفر ويقوله هيا معي للبرحين سهره ليله وحده في البحرين وتروح معي محفول مكفول بس انت تعال معي ورسايل يشجع زوجي يكلم بنات وطبعا اكتشفت زوجي يكلم وحده من سنتين وواجهته وانكر وقالي انتي شكاكه المهم من سنتين ماعاد شفت عليه شي ومدري هو قطع علاقته معها اولا
المهم ان صاحبه هذا توظف منطقه بعيده وافتكيت منه ورجع زوجي معي احسن من اول والله يابنات انه من تجي الساعه 11الليل وهو في البيت وصار يسهر معي والله حسيت اني قريبه منه واسولف معه ويقولي صح اني عقلت ماعاد اسهر برى البيت وكنت اقول في نفسي ايه هين عشان افلان مو فيه المهم يابنات ان صاحبه هذا فصل من وظيفته ورجع مرة ثانيه واتصالات وطلعات
وامس الليل نظفت البيت وبخرته وسويت له احلى عشاء وبعد ماتعشاء طلع من 11 وماجاء الا الساعه ثنتين واليوم نفس الحكايه يطلع من 11 وجاء وحده ونص ويوم قلتله انك تغيرت كنت ماتسهر الى هذا الوقت يعني يوم رجع فلان رجعت للطلعات ويوم قلتله ذا للكلام انفجر فيني وقالي مالك دخل اسهر على كيفي ولو مااجيك الا الفجر تسكتين ولاتقولين ولا كلمه وانتي اصلا شكاكه يقصد اني اشك فيه انه يكلم لاتلوموني يابنات والله مانسيت خيانته وماالام اذا اشك فيه الى الحين لانه مايخليني امسك جواله حتى اذا جاء براسل بالواتس يبعد عني
والي بتقولي انه طول اليوم عندك خليه يسهر لامو عندي النهار في الدوام واول الليل يطلع ويروح لاهله واخر الليل عند صاحبه ويوم قلتله اخر الليل خله لي من حقي تجلس معي قالي انا تعبت منك وتراك انتي بتخربين على نفسك مدري ايش يقصد بكلمته هذه
ايش تنصحوني فيه اذا سهر وماجاء الا متاخر وايش تنصحوني من ناحية شكي في خيانته ومكالمته تبون الصراحه احس انها اهانه لي يقولي مالك دخل فيني لو مااجيك الا الفجر ولاتسالين وين رايح وين جاي كاني شغاله عنده
ادعوا لي بالذريه يارب ارقني. الذريه وارزق كل من يتمناها يارب .