محتاره اكمل معاه ولا اتطلق

السلام عليكم ورحمة الله وبركاته
انا متابعه قديمه بصمت وهذا اول موضوع لي اتمنى تعطوني اراءكم الصادقه
انا متزوجه من 4 سنوات ونص وعندي ولد مشكلتي اني تزوجت صغيره ماعرف بالحياه الزوجيه الكثير وانصدمت كثير بس تعبت ع نفسي لين فهمت كل امور الحياه الزوجيه بس خلال هالاربع سنوات انهزت ثقتي بسبب اهل زوجي وتلميحهم وهم من الناس اللي يشوف نفسه فوق وباقي الناس تحت باختصار انا الحين ابد مو مرتاحه معهم وزياراتي لهم اشيلهاا هم بشكل وابي اطلع من بيتهم بسررعه .
زوجي ملاحظ اني مو مرتاحه معهم ودايم يقولي انتي ماتبين اهلي ويحس اني اكرهم ونيتيه دايم سيئه لي مع اني مسالمه حالي حال نفسي وعايشه لنفسي واحاول قد ماقدر ادخل معهم بس مافي امل عقدتي منهم مو راضيه تروح :(
*زوجي جفس نوعا ما وعصبي دايم يرفع صوته علي لاتفه الاسباب لدرجة كل الحب اللي بقلبي له راح والحين انا كارهته .
اخيرآ شوروا علي انا عايشه حيااه تضغطني من كل جهه ماني مرتاحه ابد لا مع زوجي ولا مع اهله والصديقات زوجي يمنعني مايخليني ع راحتي اطلع لصديقاتي او اغير جو مع احد الا معاه يتحكم بلبسي بجوالي كل شي يخصني .
لما افكر بحياتي قبل الزواج واقارنها بحياتي حاليا احزن ع نفسي كيف كنت وكيف صرت كنت اجتماعيه محبوبه بكل مكان اكون صداقات اما الحين كل شي تغير :(

اتمنى تدلوني ع الخيار الصحيح استمر بحياة ماهي عاجبتني ولاني مرتاحه فيها وكثير حاولت اغيرر فيها ماقدرت
او اتطلق دام مامعي الا ولد وانطلق للحياه اللي اتمناها.