محتاره وين اتابع

زوجي تبع قوى الامن ومحتاره اتابع عندهم واولد 

والا لا 

وانا موظفه تبع الحرس وبفتح ملف هناك الحرس الي بخشم العان بالرياض 

وكل ولادتي السابقه كانت بمستشفى دله 
وماعجبتني حضانتهم 
وبنتي الاولى احس ظهرها معكوف شوي مدري نحف مدري فيها شي مع انهم يقولون طبيعيه 
بس مارتحت خصوصا لما تركض كانها محدوبه 
بنتي الثانيه قالوا فيها خلع مدري منهم مدري من كانت ببطني 
الغريب ان بالانتظار كم وحده فيها خلع والده عندهم وجلست سنه مراجعات وجهاز واشعه 
والا الان خائفه يرجع لها مارتحت انها تشافت منه 
وبنتي الثالثه انولدت طبيعيه وبعد يوم جابوها عينها حمراء وبعدها قالوا فيها ارتخاء بالجفن ولازم مراجعات لحد5  سنين 

واول ولاده لبنتي كانت بقوى الامن سوو لي فيصريه وانا مو محتاجه حسبي الله عليهم 
يقولون الراس كبير مع ان بنتي جت طبيعيه 
وصغيره مو كبيره ولا راسها كبير 
وبنتي الحمدلله طبيعيه 
مافيها شي اللهم لك الحمد 
عكس 3 كل واحد ومشاكله 
الحين محتاره وين اولد وابي حضانه كويسه 
واهم شي يصبرون علي مابي عمليه ثانيه 
فكرت بخالده العتيبي بالحبيب 
ايش رايكم هل هي حنونه وصبوره 

وهل حضانتهم كويسه يكتسفون اي شي بدري لاقدر الله