محرووومه من امي والسبب ..😰😰😰😰😰😓😓😓

السلام عليكم
اتمنى من كل وحده عقلانيه تساعدني ومن غير النفسيات مو ناقصه انا ..
انا عندي 3 اولاد وحامل في الشهر التاسع ..مشكلتي ان بداية زواجي كنت طبعا متعوده على اجواء بيت اهلي وكنت فاضيه لسه ماعندي اولاد وحتى لما جبت الاول والثاني بعد كنت اروح لهم ولما اولد اظل عندهم انا متعلقه بأمي مره واعتبرها هي صديقتي مع اختي اهلنا في منطقه ثانيه صعبه نروح لهم وزاد الصعوبه اكثر ابوي مايحب نزور احد اصلا حتى اهلنا يظل ينتقد في الجميع ويسب في كل الا حولنا المهم بعد ماصار عندي 3اولاد والحين في حملي هذا تعبت مرره في الوحم ظليت تقريبا 3 شهور ماقدر اقوم ولا اقدر اقوم باولادي وانا عندي ولدي سنتين عمره اول ماحملت كنت اتمنى تواجد امي معاي على الاقل تزورني اشوفها مو لازم تسوي لي شي .. وابوي كان رافض يزوروني امي واختي ابوي مايخليهم يجون يزوروني مثل ماسوى مع اهل امي مايخلي امي تزورهم حتى اخوات امي يصيحون نفسهم يشوفون امي اوقات تصير مناسبات زواج مثلا واذا قدرت اروح تظل اخت امي تبكي تقول ليش ماتشاركنا افراحنا ..وابوي ماعنده حجه غير ان يسب ويشتم ويطلع فيهم الف عيب وهو بس يبي ان يجلسون معاه امي واختي ..الحين انا نفس الشي ظليت كم شهر ماشفت امي والسبب ابوي اقوله المفروض انت الا توصيهم يجون لي انا تعبانه محتاجه لامي .. يقولي انتي تعالي طيب انا ماقدر امشي وعندي اولاد صعبه طلعتنا اصلا وزوجي داايم مشغول مايهمه ابوي غير ان يضمن امي متواجده ويتقبل تطلع يوميا لصديقاتها الا هم جيرانهم لان مطمن بترجع بدري وان مارجعت يروح يفشلها قدامهم فيه مره حتى وقف عند الباب وحريم هناك وهو يصارخ عليها عشان تأخرت 😓 المهم بالنسبه لي انا فحارمني منهم والحين انا نفس الشي صرت اتعب وماقدر اطلع كثير فاقول لامي واختي تعالوا عندي عاد انتوا اخف مني غير انا تعباانه وعندي اولاد يحاولون في ابوي يخليهم يجون لي ماايرضى يقول انا الا اروح اذا ابي والحين قلت اذا ولدت بجلس في البيت ماقدر اروح عندهم لان عندي اولاد زحممه اشيل اغراضهم وعندي بناتي في المدرسه اجلس في بيتنا اريح وامي كل يوم زوجي بيجيبها عندي الا مو راضي يقولي ماقدر اخلي امك تروح لك وانا من يجلس معاي ؟!😕 يعني بالله عليكم ماعندي احد انا الا امي هي الا مابتمن علي ان جات لي لو معنويا بكون محتاجه وجودها ..وزوجي ماعنده ام ولا ابي اطلب من احد تعرفون يعني مو مثل الام الا حقيقي تعطي من غير ماتنتظر مقابل والناس الا حولي مابيحبوني مثل امي ولا انا برتاح نفسيا كثر لما امي تكون موجوده معاي ..المهم انه راافض تجي لي واخر مره كلمته قالي ماقدر تروح وانا لحالي ! الحين اذا بتجي امي غالبا ماتجي الا بعد ماتكلم وانا متضايقه مرره وهي نفسها تجي تتأثر من كلامي وصار اذا بتجي يجي معاها عشان يضمن ان ماتطول عندي يعني تطلع وانا يعورني قلبي نفسي تجلس ماشبعت من زيارتها ولا يمدينا نسولف وتوقيته بس في النهار تجي والله اتحسر اذا احد من اهل زوجي حرمه بتجي من عمر امي يسألون عنها واتذكر امي ..😰😓 اشوف اهل زوجي فرق كلهم الاخوات وامهم متواصلين ويا بعض الا انا ابوي حارمني من امي واختي واذا يصادف بطلع مع اختي نفس الشي يهذر ويجي يقولي ماله داعي امر على اختي نطلع اقصد اروح معاها مجمع ..واصلا حتى في ولاداتي الا من قبل لما كنت احلس هناك بس امي تكون موجوده معاي في الغرفه يجي حتى لو بنام يتكلم ويسب في الا حولي لاسيما امي بس اكون لحالي يجي يهذر على امي ويسب فيها ويشتمها ومايبيني ادافع ابداااااا ..اخر ولاده كنت تعبانه وقيصريه بعد من داخلي زهقققت من اسلوبه بس يشوف امي يسكت وان ماشافها يجي لي يسب فيها ويتلفظ الفاظ مو حلوه بالمرره وقدام بناتي وان دافعت يعصب علي مرره.. الحين صراحه وصلت لمرحله اني بداخلي زعلانه منه ماقدر العب على نفسي 😓 صرت حقيقي حتى لو مش تعبانه اتثيقل اروح بسبب اسلوبه واصراره ان امي واختي لا يجون لي يزوروني ..وخاصه اني على وشك ولاده ولا هامنه الا بس يحلسون معاه للعلم بان اصلا من المغرب ينام وهو نايم كل شوي يجلس يطمن ان احد في البيت ..اوقات يقولي تبينهم يجون بس وحده مثلا امي تجي واختي تجلس معاه او العكس ..طيب نفسي اجلس معاهم ثنتينهم مايرضى ..الحين يمكن تغيرت مو مثل قبل لاني زعلانه منه وانا عارفه هو مذا مابيتغير هو طول عمره كذا مايهتم بأحد غير نفسه وبس لما كنت بنت كنت اتغاضى وكنت تقريبا كل شي اسويه انا هو كان مايبي يتحمل المسؤوليه ..