محل خياااااااااااااااااال في سوق

السلام عليكم يا احلى حوائيات كتبت هذا الموضوع حتى تشمل الجميع الفائده ويصير مرجع لنا لاحلى المحلات
فكرة الموضوع ان كل وحده تعجبها بضاعة محل وتحس انها فعلا مميزه عن السوق تجي هنا وتكتب اسم المحل واسم السوق واتمنى انكم ماتفشلوني ويصير فيه تفااااااااااااااعل
يالله شرايكم
انا ببدا بما اني في السويدي احب اروح سوق البديعه مول والراجحي لانه قريب مره لبيتي
بالنسبه للبديعه مول احب محل جزيره الكنز فعلا بضاعته مميزه بس يبيله وحده تعرف تنسق القطع اللي عندهم والله شريت منهم مرتين ودايم صديقاتي واهل زوجي يسالوني عن لبسي ومن وين و لبسي ولله الحمد دايم مميز والكل يشهد بهذا الشي (ياشين الغرور بس خخخخخخخخخخخخ)
والمحل الثاني اللي احبه محل نجوم الموضه في سوق الراجحي بضاعته كويتيه نفس توب تاتو تماما مدري هي نفسها اوتقليد عليه شريت مره من عندهم ورحت للملاهي وانجنو اهلي عليه مرره وجتني وحده في الملاهي تسالني من وين شاريه لبسي تقول بناتها انجنوا عليه
طبعا بنات المحلين ذولي من اكتشافي واسراري وماحب اقول لاحد كثير عنهم (احلفي بس خخخخخخخ)
وذا المحلين بضاعتهم مميزه تصلح لاعياد وللمتزوجات بالذات لانها رسميه وكشخه
اما البلايز اللي اشتريها ماراح اقول الا اذا شفت منكم تجاوب ووالله ياليتني اعرف انزل صور كان وريتكم لبسي