مخزني صغير ابي حل ؟

السلام عليكم ورحمة الله وبركاته

بنات ابيكم تساعدوني في تنظيم البيت مليت من الحوسه بيتي صغير والمستودع مرره صغير وفيه اشياء كثيره مدري وين احطها ... الحين مجلس الرجال فيه اغراض حاطتها مؤقتا لين مااشوف حل

بيتي مكون من قسمين .. قسم فيه مجلس الرجال وحمام ومغاسل
والقسم الثاني صاله وغرفة معيشه وغرفة نوم وحمام ومطبخ

وبالنص فيه مستودع صغييير يمكن متر × متر ونص فيه فريزر كبير ماخذ كل المساحه وفيه رفوف عليها اغراض لكن عندي اغراض ثانيه مالها مكان اللي هي مفارش وبطانيات وملابس ولدي اللي يكبر عليها وملابس الشتاء هذي كلها حاطتها بشناط بالمجلس مؤقت وش اسوي مالها مكان

فكرت استغل غرفة المعيشه واحطها هي المستودع وحنا نجلس بالصاله وش رايكم ؟
وفكرت بعد بالمساحه اللي بين الدرج وتروح للسطح لكن المكان معرض للغبار
وفكرت بعد اشيل الفريزر واحطه فوق عند السطح واستغل المساحه اللي كان شاغلها بالمستودع
ولا انقل من البيت احسن ؟ ناخذ بيت له مستودع كبير



وش رايكم اي الحلول افضل ؟ابي تجاربكم ومقترحاتكم الله يعطيكم العافيه