مخطط دور الاول بيت العمر اريد ارائكم اخواتي

هلا اختي

التصميم حلووووووو

بس فيه شي ماعجبني ...المطبخ في واجهه البيت يعني لوحطيتي مدخنه بتكون بالواجهه وهالشي مب عدل

يعني لو خليتي مجلس الرجال مكان غرفه الطعام

وغرفه الطعام مكان مجلس الرجال وخلفها المطبخ وفتحي له باب خارجي للخدمات وباب داخلي


وبعد غرفتين نوم تحت تكفى اذا كان فيه دور ثاني

وحده من الغرف افتحيها ع الصاله تعطي اتساع اكثر للبيت وقللي من الممرات لانها تضيق البيت بشكل كبير


شوفي البيوت الكويتيه شلون مفتوحه ع بعض شكلها يهبل كانها قصور


والله يوفقج يارب

يعطيك العافية كلامك منطقي خصوصا نقطة الصالة خصوصا بيصير منها درج ماندري وين بالظبط نحطه الى هالحين وهذا بيصغر

من حجم الصالة

ملاجظاتك قيمة ويعطيك الف عافية دونتها وبعرضها على زوجي

الله يتمم عليكم
التصميم جيد لكن فيه عيوب
غرف النوم كثيره والمداخل بعد.......الغرفه الي فوق الصاله في المخطط فتحيها على الصاله هي والحمام خلي المساحه كبيره احلى تحطين جهه للجلسه وجهه لطاوله الاكل
وافتحي باب للغرفه الثانيه (الركنيه)في المدخل مع الغرفه الي جنب السلالم
والمداخل جهه الرجال كثيره بس ما ادري كيف الحل لها

هلا بك ريحة الف شكر

بس ماتلاحظين ان الصالة بتصير كبيرة

وطاولة الاكل باخليها بغرفة الطعام

واما المداخل واجده بس اشلون اعدلها بشكل مثالي

وجزاك الله خير على ارائك ووقتك

حرام عليك عندك مساحه كبيره
فليه مخخططك كله اسياب
حاولي تكون مساحة المداخل اكبر
ابحثي عن مخططات الفلل في النت
راح تشوفي انهم استغنو عن المداخل من هدا النوع

موفقه