وصباح الخيرات اذا كنتو في الصباح<<<مروقه الاخت:hahaha:
طبعا كتبت موضوعي هذا وهو باين من عنوانه
يتكلم عن اشياء استخدمتها وجابت نتيجه فظيعه من اول استخدام
واللي مو مصدقه تجرب وعلى ضمانتي تبي تدعيلي
طبعا اللي راح اذكره ثلاث اشياء فقططططط لاغير
لاهي منقوله ولاهي اشياء سمعتها بالعكس انا مجربتها شخصيا شخصيا شخصيا <<<اقول اخلصي وبلا فلسفه
الشي الاول يخص الشعر:
اللي تبي شعرها يطول من اول استخدام وتتفاجئ بالنتيجه ماعليها الا تجيب زيت النارجيل الاخضر هذي صورته
الطريقه تغسلين شعرك بالمويه وتنشفينه بالفوطه بدون استشوار ثم تزيتين شعرك وتمشطينه ثم تسوينه ظفيره وتكون مشدوده
ه<<طبعا ضروري هالخطوه ثم تغطينه بكيس لمدة اربع ساعات بعد كذا شيلي الكيس وخلي الزيت على شعرك الى من بكرى يعني يتم 24 ساعه يعني نامي فيه عادي
،،،،بعد كذا اغسلي شعرك وعطريه وصدقيني راح تنجنين لما تشوفين شعرك زاد عن طوله الاول بظرف يوم واحد
انا جربت هالطريقه بالصدفه وانهبلت واختي سوتها بس حطته نص يوم وماتغير شي يعني لازم يوم 24 ساعه،،،
نجي للشي الثاني::
وهو يخص بشرة الوجه
اخلطي ملعقه كبيره مره مطحونه طحن ناعم+نص ملعقه كبيره طحينه سايله وحطيها على وجهك مدة نص ساعه ثم اغسليها مع فرك خفيف ثم حطي على وجهك اي كريم انا حطيت كريم شيرلي الابيض
قسم بالله راح تتفاجئين من الاشراقه والصفاوه حتى البشره تنشد،،،
الشي الثالث يخص الجسم:
راح تشوفين التفتيح من اول مره
الطريقه: اغسلي جسمك بصابونة البابيا
وخليها على جسمك مدة دقيقتين ثم جيبي ملح اليوكو واحد بالحليب وواحد بالبابيا
اخلطيهم بعلبه بالحمام وابدي خوذي منهم بيدك ورشي فوقه شوي مويه عشان يسهل الفرك ومايجرحك
وافركي كل جسمك بذمه وضمير:hahaha: واذا خلصتي اغسلي جسمك ونشفيه بس مو مره عشان يسهل عليك دهنه
ثم ادهنيه بزبدة الكاكاو بالمرز
انا استخدم النوع هذا
تعطي نعومه وبياض
صدقيني اول ماتطلعين من الحمام راح تشوفين ان جسمك تفتح من اول استخدام
وبسسسسسسسسسسسسسسسسسس
يابنات اتمنى تجربون وصفاتي وتسونها على شكل جدول وبتنبسطن على النتايج وراح تقولون مدام دودو ماكذبت
يعني:
اول شي تزيتن شعرك ثم قبل ماتتحممين تحطين القناع على الوجه ثم تستخدمين طريقة الشاور اللي قلت عليه صدقوني بتطلعون عرايس وربي يبي يشهد على كل كلمه كتبتها اني مجربتها قبل ماانزل الموضوع وكنت مندهشه بالنتايج
صحيح فيه اشياء تجيب نتيجه لكن مثل هالنتيجه من اول مره ماقد شفت وهالشي راح يشجعكم على الاستمرار
*
*
حبيباتي تراي تعبت على الموضوع علشان انزله لكم بشكل واضح وسهل
اللي ابيه من كل وحده تقرأ موضوعي تدعي لي ان ربي ييسر امر عملية الانابيب اللي بسويها هالشهروان ربي يرزقني احلي توأم صالح معافى وكل محروم
زيت النارجيل ابوحديد ذا سببلي
حبوب بشعري من اول استخدام
ماانصح احد فيه والعطارين
يجيبون زيوت منتهيه
خذو زيت الباراشوت من صيدليه
اما عطار حطو إكس عليه
اما اذا تاخذون اعشاب ف ممكن
وبالنسبه لموضوعك يعطيك الف عافيه
ويرزقك الذريه الصالحه يارب