السلام عليكم ورحمه الله وبركاته
كيف حال الصبايا ؟ ان شاء الله كلكم طيبين ...
حقيقه كنت اتكلم مع اختي في موضوع وضايقني كثير ....
وحابه انكم تشاركوني فيه فأهلا بكم ...
حقيقه بدأ الحوار من نقطه ان وحده من زميلاتي خانها زوجها كذا مرة على علم منها ورغم كذا سامحته ...
جلست أفكر وقلت لأختي بالله كيف تقدر تطالع في وجهه ؟
قالت أختي وش تسوي لازم تصبر عشان أولادها ..
أنا لو مكانها على طول ينزل من عيني اللي يسوي كذا وماعاد يرجع الا اذا تاب صدق وهذا صعب أتأكد منه ..
حقيقه أنا إحترمت موقفها كثير يعني تضحي بكرامتها وبوفائها وبثقتها اللي حطتها فيه وبالوعد اللي أعطاها إياه إنه ما يشوف غيرها ما بالك لما يخونها صدق؟ الحرمه ضحت بكل ما عندها لواحد ما يستاهل ظفرها .... فقط لأجل عيالها ....
طيب لو كانت هي في الضفه الأخرى لاقدر الله .. بالله وش تكون رده فعل زوجها ؟ هل راح يضحي بكرامته عشانها أو يعديها لها ويقول انها نزوه !! وانها ما تنلام لأنه مشغول عنها في الوظيفه ؟!
ما أدري ليش المجتمع يحب يغفر لشخص دون الآخر ؟ ليش الرجال معذور في كل تصرف خطأ يسويه رغم انه كامل العقل والدين ( بحجه انه صغير أو نزوه أو لأنها ما اهتمت فيه .... ) طيب أروح النار لأني افتقدت شيء من الدنيا ممكن نتفاهم عليه ؟ والمرأه ما أحد يعذرها لو كانت عندها ضغوط الدنيا كلها مع انها نا قصه العقل والدين ومعناها عند الرجال ( الا من رحم ربي ) انها معتوهه لاتعرف تفكر ولا تتصرف ولا يؤخذ برأيها ... ولو غلطت فلاتوبه لها لأنها ملعونه من المجتمع مكروهه من الجميع ربما حتى ممن يعرف ظروفها ...
أنا ما أقول ان المرأه ما تنلام اذا سوت كذا بل هي مخطئه جدا وعقابها الفضيحه والهوان في الدنيا قبل الآخرة يكفي أنها لاتموت ميته المسلمين بل تموت رجما ان كانت محصنه وتجلد ان كانت ليست محصنه وإن شاء الله تكون كفاره لها ...
أنا أتكلم عن نظرة المجتمع لأخطاء الذكر و الأنثى
مهما كبرت أو صغرت .. لماذا هذه النظرة القاسيه ؟ لماذا هذا الظلم الجائر الذي لم ينزل الله به من سلطان ؟ الله أعلم
اما نظريه الرجال عادي يخطي ام المرأه لا هذه ثقافه مجتمع ما انزل الله بها من سلطان
الرجال عيبه جيبه وبس
بس وش نسوي هذا مجتمعنا ومابيدنا حيله
تقبي مروري
شموووووووووخ