اسعد الله صباحكم - مسائكم يالغاليات
شخباركم ان شاء الله تمام
مشكله اختكم بالله مشكله خطيرة :icon33:وهي
مستحيل ثم مستحيل يثبت فيني ريحه العطر:(مع اني
ماستخدم غير العطور الماركات والكريمات الماركات ولله الحمدانا نظيفه في نفسي والله اني انهبل من هالموضوع :09:فيه ناس من قرايبي ومن صاحباتي تثبت فيهم الريحه مع ان عطوهم عاديه وتظل تفوح ريحتهم الى ان يطلعو من عندي :44:
ارجوكم اللي عندها حل تعطيني اياة لاني شكلي بابطل اتعطر واتبخر ههههههههه\\\ خايسه \\\:09:
ملاحظه حتى اني جربت بعد الاستحمام ادهن جسمي باي كريم ثم اتبخر بس تظل الريحه شوي وتروح
ولا تقولون ان فيني ريحه عطروماشمه لاني اسال اختي المقربة مني وتقول ممافيه شي
ملاحظه ثانيه
فيه بنات ماشاء الله عليهم تحسين فيهم ريحه نظافه مدري كيف تفوح ريحة النظافه منهم اتمنى فهمتم علي
وملابسي دايم نظيفه وكل شيء عندي تمام
بس العيب الوحيد ان رايحة جسمي عادية ابي اكون فواحه متنقله واللي تساعدني والله اني لادعيلها باللي تبي
ادري طولت عليكم بس وش اسوي مالي غيركم :26:
وحتى ابو الشباب :arb:صرت احرج منه فديتكم حسوفيني
حلو مشكلتي بليزززززززززززززززززززززز
دانتيل احمر @dantyl_ahmr
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
بعد ماتاخذين شاور وتقشير وصنفره وهالسوالف مضبووط
تستخدمين مجموعه العطر نفسها ... طبعا بعد ماتحطين الديودرنت
عشان تصير ريحتك فواحه طبعا انا عطيتك اسهل وابسط طريقه
فيه طرق بس تاخذ وقت ..
بالنسبه للبخور انا وحده ماحب اتبخر احس ريحه عطري تروح مادري ليه ..
بس بعلمك طريقتي في التبخير والفواحه واذا عجبتك طبيها وبعلمك كل العطور اللي احبها ..واستخدمها
بس انها مشوار وطويله بس اسويها اذا عندي وقت وفاضيه ...
شوفي يا قلبي ..
1- وقت الترويش ...
اسوي طبعا صنفره وتقشير وحمام مغربي وبعد ماخلص .. اتروش بصابون عادي عشان تروح كل اثار الخلطات وريحتها مثل صابونه البابايا .. وبعدين اتروش بجل الحمام لكافه جسمي..
وطبعا اغسل شعري وافوحه وكذا ..
واغسل المنطقه الحساسه عندي بغسول خاص واطلع ..
*********
2- بعد الحمام ..
تستخدمين ديدورنت مايكوون معطر .. لانه المعطر تقلب ريحته احس كذا .. فالافضل استخدمي مو معطر ..
اتدهن بكريم مرطب يكون معطر طبعا هذا بالليل مافيه شمس .. بس اذا نهاروبطلع اتدهن بلوشن الفازلين لانه مو معطر
طبعا لوشنات+الجل شاور انصحك فيها وبقوه ريحتها تفوح من قلب
*من نكتار .. العروسه .. وبيرمادونا
*من كانوفا حلوه
*من افون .. فارواي
*من مكياجي .. كسارا الازرق .. والوردي
*فكتوريا سيكرت .. اذا كنتي تفضلين روايح هاديه ومثيره اكثر.. وحتى ورايح الفواكه عندهم ماتجيب الصداع
* وطبعا الماركات العالميه كلنا عارفينها مايحتاج ..
*********
3- بعد اللوشن ..
اذا تحبين جيبي زيوت عطريه وحطيها على مناطق النبض مثل حق زهور الريف .. او مسك العروسه ..
ودهني فيها مناطق النبض
خلف الاذن .. على المفاصل .. تحت الصدر ..
وعندك فيه من زهور الريف كامليا حلو .. ومكياجي كسارا وسنسرد حلو احلى من العطر .. او نكتار حلوه .. او مسك القرشي
********
4- المنطقه الحساسه ..
تعرفين اكيد طريقه المسك انا اسويها كذا
**********
5-استخدام السبريه ..
الاسبريه هو معطر الجسم يجيك بخاخ ..
عندك في نكتار حلو من نفس المجموعات اللي ذكرتها او اي مجموعه تحبيها ..
او من محمود سعيد يجيك بخاخ مزيل عرق ومعطر انا استخدمه سبريه للجسم بصراحه فوواح ورخيص تقريبا ب 20
***********
6- البودره ...
البودره انا احب احطها بفرشاه ماحب احطها باسفنجتها خاصه لاجات سفنجه مو هذيك الريش
مرريها بسرعه على جسمك بحيث انها ماتتكتل وتتجمع في مكان واحد ..
عشان لاتقلب ريحتها ...
وعندك بودرات ..
*افون
*فرانك الويفر
*مكياجي
*محمود سعيد
*الماركات العالميه طبعا نعرفها ..
*********
7- تعطير الشعر ..
فيه عطور مخصصه للشعر ومخمريات
جففي شعرك نص تجفيفه
وبعدين عطريه اذا كان المخمريه زيتيه خذي شوي ومرريها بشعرك عالسريع ومشطيه
*تولات زهور الريف
*مخمريات القرشي
*او عطور نكتار للشعر
*عطور الماركات العالميه ..كوكو شانيل حلو وخاص للشعر ويفوح زمان عندي
********
8- العطر ..
بعد ماتلبسي وتخلصي وكل شي رشي العطر لانه اقوى شي تركيز
وتمتعي بالريحه ولاتنسي ..
********
اضافه ...
احيان ممكن تغسلي ملابسك بالمسك تضيفينه لمويه الشطف الاخيره عشان الريحه ..
واحيان تحطي العطور اللي تجي تعبئه ورخيصه حطيها لملابسك عشان تفوح ريحه حلوه ..
***********
تحياتي لك ودعواتك الله يحقق مرادي