مدرسة تعليم القيادة لسيدات ...

اليكم بعض.........<<<حركات فصحى المهم اقروا وانتم بتعرفون

السرعة
طبعاً طالع مرة من المرات من مدينة القصيم الشقيقة متهج لرياض وكان الوقت ليلاً ...

وكانت معي الوالدة ربي يحفظها . ومثل ما أنتم عارفين يسالكين

طريق القصيم خط الرياض / القصيم السريــــع يشكي يعني يحمس

أنك تحط رجلك لا مبالي بنقطة تفتيش أم سدرة ولا الغاط ولا

صلبوخ ومن المخالفات شيل ...المهم فللت السيارة بنزين

ومسكت الخط ...وبسم الله وسبحان الذي سخر لنا هذا . . .الخ دعاء

السفر ...مشيت وكانت السرعة 160كم/ساعة ...

عاد الوالدة عندها فوبيا وشوي سوبيا من السرعة وعينها أربعة

وعشرين ساعة بس تقزقز بالعداد ...

قالت سداح : قلت أمرك ...

قالت : خفف السرعة شوي...

قلت : أبشري بس كم تبينها ...

قالت : خلها 140

قلت : بس تامرين أمر ....وثبت السرعة على 140

شوي وتقول الوالدة سداح : قلت سمي ...

قالت : خفف بعد شوي ...

قلت : أبشر كم تبين ...

قالت : على 120 زينها ...

قلت : وهذي 120 ولا يكون بخاطرك إلا كل علم طيب ...

ما يمديني أمشي عشر دقايق إلا وتقول سداح : قلت نعم

قالت : خفف بعد شوي ..

قلت : كم تبين بس..

قالت : 100 والله أنها زوينة >>>>زوينة يعني مو معجبتها بعد

قالت : يمه وشرايك نوقف وندف أحسن ...

وأطفي بعدها إضاءة الطبلون عشان ماتشوف أمي السرعة وأدوس

على 180كم لا وتسألني وشفي النور طفئ قلت أحترق العداد

من كثر ما عيونك علية .


تدرون وش المشكلة أن أغلب الحريم يكرهون السرعة ...

والمصيبة أن ساقوا ...تحصل بخط سريع وحدة ماسكة المسار

الأيسر وتمشي 50كم ...وتسبب تزحمة وحوادث لأن المسار الأيسر

مخصص لسرعة ...

السرعة ضرورية وخصوصاً في الخطوط الطويلة فالي تخاف من

السرعة أن ساقت لا تطلع من مدينها .


حــــــــــــــادث :

كنت طالع أنا واحد من الشباب على طريق الملك فهد وكان الخط مزحوم ومثل ما أنتم عارفين يتميز طريق

الملك فهد بالتوقف المفاجئ يعني اللي يداوم معه يومياً لا زم يغير فحمات كل أسبوع

المهم ما شين و فجئه وقفت الحركة ويمسك خويي فرامل وبالقوة تمسك بعد ما دفينا

السيارة اللي قدامنا دفة بسيطة وقف راعي السيارة

ويطلع سواق وعمته والله أن من يوم شفتها حرمة قلت والله من النشبة وننزل أنا وخووي ...

جيت وقلت لهم ك الحمد لله على السلامة ...

وناظرت السيارة والله حتى حكة بويا ماجتها يعني السيارة ماجها شيء

قلت لها : حصل خير تامرين شيء

قالت : لازم تجي الشرطة >>>حتى ماتدري من المتخصص الحوادث هو مرور وإلا شرطة .

قلت : ماله داعي حضور المرور والسيارة مافيها أي ضرر قدامك ...

قالت : أخف أن المكينة جاها شيء>>>تسمع بالمكينة

قلت : وش دخل خلفية السيارة بمقدمتها الصدمة من خلف مو من

قدام ...والمرور أن جاء بيمشيك لأن السيارة مافيها شيء .

على العموم اللي تبغى تسوق لازم تكون عندها معرفة بكهرباء

وميكانيكا وسمكرت السيارات .

مو تصدم وحدة مع الرفرف وتقول أخاف أن المكينة خبطت ...


في البحرين :

جيت وقفت في موقف مادريت إلا وحدة جاية بالله شوفوا وسع وجهها تقول أخوي لو سمحت ممكن طلع

سيارتك بوقف سيارتي

وطالع بسيارتها إلا اللوحة سعودية

قلت لها : أطلع سيارتي عشان توقفي

قالت : ايه الله يعافيك ..

قلت : أبشري كلها بس دقيقة أنا داخل أخذ حاجة وأمشي أنتظري هنا

قالت : ok

ودخل بالمجمع وتعشى وتقهوى وأحلي بالعربي سحبت عليها .

مو خلاص أنك بنت نفضي لك المواقف ...شوي من الأحترام


في الكويت :

واقفين عند الإشارة وكانت بجنبا بنات على سيارة شفونا سعوديين

قالوا خلونا نستهبل عليهم . أشرت لنا وحدة أنا نفتح شباك السيارة

والله قلت أنها تبي تسألنا عن مكان وإلا شيء .

فتحت الشباك وقلت لها سمي ...

قالت : أخوي تجاكر ( تسابق ) ..

قلت : ايه أنتم جاهزين ....

قلت : ايه ...

وننتظر الإشارة تفتح من يوم فتحت وهي دوس كل طبلون سيارتها

قلت انها فقعت المكينة ...

وأنا اروح أيمين مع أن طريقي سيدة بس لعانة .

المهم السواقة أنضباط وهدوء مو تهور وتحدي ...


المحــــــــطة :

معروف أن الحريم هوايتهم المفضلة المكاسرة وتخفيض السعر

فلا تجي عند الهندي حق المحطة وتقول له فل

وتعبي 50لتر أن كان البنزين 91 ب23ريال أو 95 ب30ريال

وتقول أخر كلام ترى اسعار البنزين ثابتة داخل المدن أم على الخطوط السريعة تفرق هللة او هللتين


نصيحــــــة :

انكم تشيلون السواقة من روسكم ترى ما وراها إلا وجع رأس ...


هذا ماعندي لكم وعطونا اللي عندكم لي

منقول