مدري الي حصلي وهم او وسواس ساعدوني بس بدون تجريح رجاء

عزيزاتي ابث شكواي اليكن بعد الله فلا احب اشتكي او اخبر لي قريب فأوريد نصيحتكن وهل الي حصل لي وهم ام حقيقه انا قريت عند راقي فاخبرني اني محسوده ولازم اواضب على القرأه ولكن زوجي رفض ان اكمل القرأه وعشت حياتي طبيعيه ولكن يصدر مني بعض الحركات غير اراديه واجلس افكر ليش انا سويت كذا ...!!!:06:
فكنت اتحلم احلام مزعجه واشوف مثل ظل العقرب والناس في اليقظه وسرت اخاف اشغل الرقيه الشرعيه مع اني كنت اشغلها كل يوم وبعد ماشفت الاشياء هاذي حسيت بخوف اذا شغلتها :44:
طيب قبل يومين حصلي موقف فما ادري هل هو حقيقي ام وهم او وسواس :mad:
كنت زعلانه من زوجي ولنا فتره من يوم سرت اشوف الاحلام واحنا نبعد عن بعض بالتدريج يعني هو ينام اول الغرفه وانا اخرها وغيررره المهم كنا نتناقش عن حياتنا فقال لي خلاص انا بنام قلت تنام واحنا ماكملنا كلامنا قالي بكره واعطاني ظهره فحسيت بضيق شديد وحزن فقمت من فراشي ورحت لغرفه اخرى مظلمه وانسدحت وانا مبتسمه وكاني اريد الضحك بصوت عالي وفجأه دخل علي لانه يعلم اني مستحيل اجلس في غرفه وظلام لوحدي فقالي قومي نامي قلت له اخرج خلني اسولف معاهم قال مين فقلت هم ينتظرون الفرصه هاذي وانت سمحت لهم خلني اشكي لهم فحط ايده ع راسي وحسيت مثل الدبابيس تدخل راسي قلت وخر يدك فقالي انه كان يقرا علي قران بعدها اخذني لغرفتنا وقلت له زين انك لحقت علي....... والله اني وانا اتكلم كان احد ينقلني كلامي وحسيت بصداع قوي واليوم الثاني جتني انفلونزا ....!!!!!!طيب يابنات مدري ليش سويت كذا والله غصب عني مع اني احس بكل شي بس مااقدر اصيطر ع نفسي افيدوني