مدري شوفة نفس ولا مرض ولا شاذة

مساءكم|صباحكم| عســــــــا حوائيات

عند مشكلة اهي مو مشكلة عويصة بس عادة ماادري طبع انا اكرهه في نفسي :44: وخاطري اتخلص منه:09:

لان التعليقات علي كثرت وماصرت اطيق هالكلام

انا يابنااااااات نفسي شينة لدرجة مااحد يتصورها وهالشيء مو بيدي يعني انقرف لو جيت اغير الحفاض واانتوا

بكرامة لعيالي اول امومتي صراحة جاتني حالة نفسية تخيلوا عطوني بنتي وكنت ماافهم ذاك الزود وجيت باغير لها

بغيت امووووووووووت استفرغت وانتوا بكرامة وجلست اللي جنبي تطالعني ومستغربة عاد هي مو مثلي ام عيالي

عاد صرت ادق اللثمة:55:لو جيت اغير لها

مو بس كذا لو اشم ريحة طبخ جارتي بنفس العمارة وطبعا ريحة اكلها غير عني بما انها من بلد وانا من بلد

ياالهي شوي وابكي طول الوقت حايمة كبدي وامسك نفسي وزوجي يقول يشينه من طبع

قبل اسبوع جلست جنب خالي واسلم عليه ريحته دخاااااااان مع عطر واااااااااع انحشت من المجلس اللي هو فيه

ماتحملت اللي يشوفني يقول تتوحم البنت وهذا طبع فيني من كنت صغيرة مو توه يعني:(

اذكر بأيااااااام الثانوي وحدة من صديقاتي الله يذكرها بالخير كانت عليها الدورة وتتوجع وتستفرغ وانا على طول

استفرغ وراها وانتوا بكرامة ماتحملت والبنااااااات انواع التريقة وصاروا يقولون ام نفس خايسة واللي تقول

شايفة نفسك وهو والله غصب عني :44:حتى زوجي مرة اشتكى لابوي يقول ياخاااااال بنتك تقرف من اي

شيء حتى ماتأكل عقب بنتها قال ابووووووووي عاااااااادي امي من قبل كذا جدتي الله يرحمها نفسي ويقولون

اشد واني طالعة لها ياليت طلعت عليها بشيء يسوى:angry:

والحين اهلي تعودوا علي المشكلة اذا رحت مع حمولتي وشميت ريحة مش ولابد لو اكل غريبة بهارته اتلثم

او اطلع احسهم يقولون وش هالدلع وش شوفة النفس بس والله غصب علي لو بطبخ لحم وكرشة لازم اتلثم

مااقوى تحوم كبدي استغفر الله وامسك نفسي لاتجيني لوعة واجيب العيد

اللي مضيق خلقي ميقولون طبع ولا عادة فيها يقولون شايفة نفسها وهالشيء مضيق خاطري حيل

لاني بطبعي ولله الحمد متواضعة مرحة بس فيني هالطبع الشين ودي اتخلص منه اليوم قبل بكرة بس موب يدي

هذي مشكلة خلالالالالالالالاصت منها

نجي للمشكلة الثانية مدري الطبع الثاني واللي صراحة يناقض مشكلتي الاولى وهي اني حساسة حيل

يعني لو بكت بنتي على طول ابكي معها وحتى لو احد علق عليها قال وش هالدلوعة احس كانهم قايلين لي انا

لو قريت قصة وحدة هنا بالمنتدى وتحمست معها وتعاطفت دموعي اربع اربع لا شعوريا مرة صار لي كذا ودخل

علي:arb: قالي وشفيك قلت قصة وحدة بالمنتدى وانو صار لها كذا وكذا وانا ابكي جلس يتحمد ربه وراح وخلني

مرة بنت حمااااااااي تبكي ولا احد عبرها حتى امها واجي انا اضمها لحضني وابكي معها احس البنت اسكت

وتطالع فيني وهي من سنيني واستحيت بس انا كذا مااتحمل احد يبكي قدامي

امي اذا شفت دمعتها تهل دموعي اكثر منها واجلس ابكي واشهق ولو اني ماعرف وش السالفة

قبل ماالتزم كنت اسمع اغاني استغفر الله وابكي اذا سمعت اغنية رومانسية وحزينة وانفعل استغفر الله الله يتوب

علي بس:(

والحين بعد التزامي دايم في بيتي احط على مكة مباشر وتعرفون المشايخ اللي يقرون ماشاالله من اسمع

الشيخ المعيقلي وعبدالباسط والمنشاوي وسديس والشريم طقيتها عبره وبكيت لين قلت بس والحمد افرح لان كلام

رب العالمين يأثر فيني ويدخل قلبي بس اذا صرت عند اهلي ومشغلين عالقرآن وبكيت ودمعت عيني احس

خواتي وحريم خواني يستغربون وش عندها لاني كنت هبلة وسالفة التزامي ماااااااش مو مقتنعين فيها

مع اني مو توي التزم لي تقريبا 5 سنوات والله يثبتني ياااااااارب واياااااااااكم

يعني نظرة الناااااااااس لي شايفة نفسها وتتصنع وانا والله مو شايفة نفسي ولا اتصنع بس هذا طبعي

وياليت لو تقولون لي وش اسوي وياسالفة اللي صراحة عجزت اتخلص منها وهي القرف

وعلى فكرة انا عندي قولون يمكن هو اللي مو مخليني اتحمل اي ريحة:(

اما سالفة البكاء شيء والله مو بيدي وبقوة مو بيدي

ماعليش كلامي مو مرتب بس اتعقدت من هالكلمتين شايفة نفسها وحساسة زيادة عن اللزوم

وفيه احد مثلي ولا انا شاااااااااااااااذة مو ماقالوا لي النااااااااااااس:icon33: