الله يصبرك ...شوفي انتي لازم تعلمين زوجك بالحمل اولا علشان تقطعين امل ام زوجك في انها تقنعه يتزوج وحده غير لانها اكيد بتتحجج بسالفة الحمل .ثانيا :اصري عليه ياخذلك بيت لحالك لانه اكيد مابيستغنيعنك و عن ولده اللي ببطنك .
الله ييسر لك ويحفظ لك حملك من كل مكروه ويرزقكم ربي السعاده .
ادعيلي ان اللي ببالي يتحقق

هلا حبيبتي


الله يعينج ويصبرج عليهم احسج تقريبا نفس الشي بس الفرق انتي بيت حمولتج وانا اهلي


اولا لو سمحتي لاتتعدين على اسم بيتنا معتقل جوانتناموا موجود بس في بيتنا بيت ابوي<<والله انا لما اتكلم عن البيت اقول جوانتناموا


انا اشتغل لأهلي مثل الخدامة وفي الأخير مااحصل غير السب والتهزيء و24 ساعه صراخ ومشاكل كل شي ع كيففهم تخيلي انا في العشرينات مافي طلعات الي معاهم مافي صديقات حتى في صديقاتي يتدخلون زواج مافي وفي الأخير انا عانس عندهم التلفزيون ع كيفهم اشوفه ولا لأ النت وحتى موبايلي يبغون ياخذونه وانا اتريا الامر العسكري الي بينزل قريبا والاكل ماحد يهتم كلتي ولا لأ والخادمه يعاملونها اكثر عنج ياناس بكمل 9 سنوات على هالحال ومافي تفاهم الي براسهم بيسوونه وطبعا انا خبرتج كل شي ماخفي اعظم

ياناس ياعالم نحن عايشين في الامارات والقهر انه هالقوانين كلها ماتتطبق غير عليه انا وبس صدقيني اكره شعور لما يتكونين عايشة مع ناس ظلام ما يخافون الله وللاسف هم اقرب الناس لج


ادري يااختي انج متاذية منهم بس صدقيني ماتحسين بالقهر مثلي لما اتييج هالأشياء من أهلج خليها ع الله انا خلاص قربت اجن تخيلي من دون مااحس بنفسي كنت بقتل نفسي استغفرالله بس الله يستر عليه وعليج ويفرج همنا


واكثري من الاستغفار علشان الله يفرجها عليج عاجلا غير آجل

اقسم بالله لو اني مكانك كان انكد عليهم عيشتهم واقلب بيتهم عليهم واخليهم يكرهون اليوم اللي شافوني فيه

الله يصلح مابينكم واشوف من المهم والافضل من اي شئ ثاني
ان زوجك يعرف انك حامل

ليييييه مستغربه يافياااافي 2010 والله اهلنا نفس الشي حسبتها من جمعتنا