مدري وش اسوي

السلام عليكم والله يتقبل طاعتكم.
الموضوع ابوي ياجماعه ابوي ياخذ فتره بعدين يقلب علي وانا مو مسويه شيء يدعي علي اليوم وهو صايم امس كنت تعبانه وهلكانه ما نمت غير بعد الظهر كنت اجهز لامي العجينه والف السمبوسه حتى الشوربه حطيتها ع النار وصحيت امي ونمت انا كنت هلللككانه بمعنى الكلمه اخرت صحيتي لاول مره في رمضان الى الساعه 5 جاء يقول الله لا يذكرك بالخير واخواتي ما يقومون الا 6 ونص وانا قبل الاخيره وما يكلمهم صارت اشيياء من كنت صغيره احسه يكرهني مو بنته .
فيه شخص ظلمني ورحت له توسلت له وهو ما اعطاني وجه وساعد الشخص اللي ظالمني ومشيتها مره اختي الكبيره جات عندي وقدامه وجلست تتكلم وتسب وتمد يدها وانا حتى حرف ما تكلمت جاء اخذ العصا وضربني كأني غنمه .
المكافأه حقت الجامعه كان بياخذها مني انا الوحيده رغم ان اخواتي كمان عندهم مكافأه بس انا ما اعطيته .
المهم برمضان هذا انام الساعه بعد الفجر واقوم على 3 الظهر غير اليوم عكستها المهم من اول ما اقوم اساعد امي واقلي السمبوسه وعلى صلاه التراويح انا اللي اغسل المواعين واخواتي يقومون المغرب ع الصلاه وينامون 12 الظهر ابوي يقول انتي الوحيده اللي ما تشتغلين انا بس اشوف اخواتك وانا ما قلت له ولا عددت له ايش اسوي لان هالشيء ابغاه كأفطار صائم واجر لي .
المهم يغاني اغسل له ثوبه يرميه رمي ع وجهي عكس اخواتي يعطيهم كلمتين حلوين وبعدين يعطيهم ثوبه .
انا اصلي وشبه محافظه ع الصلوات واروح الحرم مع اخوي واقرأ قران جاء امس يقول انتي ليش ما تصلين ليش ما اشوف بيدك قرأن ليش وليش الله ما عمره وفق ملحد ؟؟؟؟؟؟؟؟؟؟ عند هالكلمه قلت خلاص بكره اصور نفسي وانا اصلي وارسله لك وقمت انقهرت من هالكلمه . تعبت وربي تعبت حاولت ارضيه بككل شيء هو يحبه بس ما فيه الا الكلام اللي يسم البدن .
اذا حطيت ماسك وتحممت وحطيت كريماات وخلطات وكلها من فلوس المكأفأه يعني ما اخذ ولا قرش منه يقول انتي تفجعين ما بك الحلى مير لا تتعبين عمرك وكلامه مثل السم يغرس بقلبي ومن هالتحطيم اللي القاه منه اهمل نفسي اذا اهملت نفسي يناديني عند الكل يقول انتي بنت لازم تهتمين بنفسك . مدري كيف اتعامل معاه صرت ما اصدقه بأي شيء احسس ورا كل حاجه يسويها مقصد او اذى لي .
والله اللحين من يدخل اشرد كأني شايفه جني والكل ملاحظ .
تكفون ادعولي وربي اني تعبت وصرت انطوائيه من كلامه يارب ساعدني على بره تكفوون ادعولي وانتم صايمين ادعولي كل وقت .