مدري وش هالاسلوب

طبعاً واخوان زوجي لازم أي شيء يبونه يرسلونه هو بحكم انهم الأكبر وهو بكيفه هو واخوانه الله يخليهم لبعض بس حريمهم شافن أنفسهم علي مرة واحد منهم سيارته بالورشه ويروح ويجي ع سيارة العامل بس مرة كانت زوجته بتروح معه مشوار كلم زوجي وقال اباخذ سيارتك عشان زوجتي معاي طبعاً زوجي وافق له .قلت له شكلك نسيت أننا حنا كمان عندنا روحه قال عادي ع سيارة العامل انا زعلت الحين هي وش بتقول وووو. زعل زوجي علي وصارت ع راسي قال وانتي تقلديهاا؟؟قلت عشانك ماتعرف طبعها بكرة تجمع الحريم واصير ضحيتها.
المهم أن عندي مشاكل بسببببهم وش رأيكم يابنات

عفوا*
ضحكتها

حبيبتي ماعليك منهم  اللي مايحترمك ﻻ تحترميه
أهم شي عليك رضا زوجك وﻻتفكرين بتصرفاتهم 

تجنبيهم 

يالحبيبه هالعينه ذي أذا بتحطين بالكم لهم بتتعبين لا و بتتعبين كثير
وهم ماااا جابو خبرك عايشين حياتهم
لذلك الأفضل ما تعطين تصرفاتهم أي أهميه
و أذا أعطوه ورقه بالطلبات و أذا ماشاوروك مثل الباقين بالطقاق يا شيخه
أرررريح لك وش تبين فيهم يشاورونك أو لا
البعد عنهم غنيمه خليك رسميه و لا تكثرين الروحات لهم خليها على فترات و لا تطولين
و من تطلعين منهم مهما شفتي و سمعتي و واجهتي نصيحه لا تنقلين لزوجك شي
أطلعي و أنسي هالمشوار لهم كله بأحداثه و منغصاته و تحملي عشان فقط أيقالهم أهل زوج ....
و من تطلعين أمسحي الذاكره و تبرمجي على محطه ثانيه و لا تضيعين وقتك بالتفكير بسخافاتهم
و أستمتعي بحياتك و بالناس ألي تحبك و تعملك قدر
هذول حرام تضيعين ثانيه من وقتك بالتفكير فيهم و الزعل منهم
و بناتك عززي ثقتهم بأنفسهم ولا تكبرين تصرفات المبزره بروسهم و خليه كأنه شي عادي
و لا يسمعونك تتكلمين عنهم ....
و لا تدققين و تكرهين زوجك فيك ولا تحسسينه أنه فيه شي مضايقك
و أذا أخوه أخذ السياره مع زوجته معليش فووووتي و خير يا طير و أذا تكلمت زوجته
تقدرين تقولين لها هذا من طيب أصله الله يحفظه يعني وضحي لها أنه الموضوع ما همك
داااااوي الحريم بالكيد لا يغلبنك ويعرفن وش بخاطرك ولا تخلينهم يأثرون على نفسيتك
بهالدنيا حنا ألي بيدنا نختار يا نعيش بسعاده أو تعاسه بحكم طريقة تفكيرنا و أسلوبنا
نكبرها تكبر نصغرها تصغر .....
هالأمور لا تصير أكبر همك و فكري بأيجابيه و أنه الحياه حلوه ما له داعي نغث أنفسنا
و غيرنا مبسوط و مستانس !