مدمن الكوسه

بسم الله
قريت هالموضوع وعجبني يضحكك قلت انقله لكم

ان شاءالله يعجبكم عاد:mad:
في حقبة ( تسبدي فيها وودي اقولها ) من الحقبات يوم كنت طفل تمساح يشأر لي بصلبوخ وبنبان بريء مؤدب من اكوس البزران بالحارة وفيما انا كذا مسوي في امها راعي طارة بالمسحات واستعرض عند العجز ( ياشين اللي يسمع بالتميلح ) ...
كنت في مزرعتنا اللي متوسطتن المزريعات والناس في الهضاب القريبه متسدحين كخرفان عند كيس شعير مجتمعين كنت انا بالنخل اروس مطلع سيقاني زي العروس يقالي بفتن العصافير واجرها على وجهها وبعدين ارميها للارانب اللي عندي تلعن جدفها:o وعلى اسياخ الحديد تقلقلها واقول لها تفضلي وعلى قل الكلافه اعذرينا والجود من الماجود وهذا موب حقكم بس الوعد الطلعه .. :p
المهم اني كنت اروس وابربس بأحواض النخل من كنت قد قوطي الصلصة اللي توه فاطم ( محلل مرسولك ها الشايب ) ومابعد لزقوا عليه استكر ام درمان وفحيحيل وام المرادم .. والنويصيب ووربه وبوبيان 45 درجه ..
وفيما انا منسبع بساقة مسحاتي ( لغير الناطقين بالقصمنجيه = امشي وراها وعلى هواها ) تقل بزر يلحق له مطيار بحوض علف ( فرخ العصفور اللي توه يطير ) واذا بالماي فذر العزيز يصوت بأعلى صوته منشداً هذا البيت وخيمه الشعر :
ألا ايها البرطوووم اقبل إلي مدرعماً && جعلك للمهيد تسيف انك درو ..
تمسك بالمسحات وفاك بالدوام فاتحاً && صك اثمك اللي كنه وجه سرو..
نزلت السروال اللي انا رافع وجيته مدرعم تقل شايف كاميرون دياز فاتحتن دريشتها وتأشر لي << بعذري يديني صارن كلهن شطوب ..
بدون مايتكلم على طول ركبت ورا عشان امسك الزمزميه واقهويهم ( انواع الكيافه ها الشياب حتى بالسيارة قهوة ) ..
جلست بينهم ودخلت راسي تقل تكايه جيب والفناجيل رايحه جيايه ومع كل نصبه خمس فناجيل وانا بس ادودل راسي ومصدق .. واذا تهاشوا على شي صرت انا الضحيه بس يرشق الشايب بوجهي الفنجال :o( للحين المدير يتهمني اني احشش اذا شاف عيوني اللي تقل فلاتر ماء بمدرسة حكوميه ) ...
المهم وفي خضم المعارك النصبيه المعتاده شدتني سالفه غريبه !!
مرينا من عند سوق الخضار وطبعاً مايحتاج ها الشيبان تقل مصاريا ماهنا شي ما يعرفون له وخذ يافلسفه ..
المهم وحنا مارين من عند المحلات خطم هندي معه سطل كوسه وراسه يهز ولسانه يلعط بالقزاز ويرجع مكانه ... كووووسه كووووسه ...
مييييير مايحتاج هو قال كوسه ولا ما قال الا ومحاضره عن الكوسه والفوائد والمشتقات اللي تطلع من الكوسه ... وفيما اورده الراوي اللي بجنب ابوي من حكم :
اعلم يأبو برطوم ان في الكوسه فوائد جمه منها على سبيل المثال لا الحصر انها تقوي النظر وتجعلك تكسر الصخر وتبوبز عند كل كفر ..
عاد ابوي حس انه تهزاء شوي يوم انه يتفلسف عليه صديقه وافتر يمي وقال : <<< مسوي فيها الحكيم .
اعلم يابني يابرطوم ان لكل حادث حدث ولكل شعيب حفر, ولكل داء دواء يستطب به الا براطمك ليس فيها نظر, عجز اللسان وانشلت الابدان وفقت عند خشتك الخرفان , يابني اجعل غذائك الكوسه تنسدح عند رويتك كل محروسه , واعلم يابني ولا اقول لك تلايط بس وصب قهوه

وبالاوف كورس سمعت كلام بابا وتلايطت ومسكت الفنجال وكبيت باقيه بخشت صديق ابوي <<<<< حاقد

بعد ما حللني ابوي وقف عند باب البيت ونزلني وبوسني مع خدي ( لا والله الا تافلن بوجهك )

رحت لأقرب ماصورة وجلست عليها ومسكتها لاتطيح وبديت اتفرج على الشارع واشوف وش المستجدات اللي حصلت اليوم ووش اخر تطورات الحرب على القطاوه بس ماش مافيه احد كل المصادر ماسكين كتبهم ومبوبزين بالبيوت وما فيه الا انا صايع جالس بالشارع مع الشيبان

جلست على ها الحال حتى المزرعه راحو العجز اللي فيها وما فيه شي نتميلح عنده
وفيما انا ملعن خيري مدري وين اطس الا وتخطم كوسه بين عيوني تمشي وتتمخطر ( اللي يعرف معناها يرسل لي بالخاص تقل بنت 15 منكسر كعبها اسودت الدنيا بعيوني وصرت ما اشوف غيرها وعلى طول تذكرت كلام ابوي الحكيم وصديقه فيثغاورس ...
قلت :
ياكوسه مالك ومالي وش خطمك قبالي && سعبولتي تقطر روحي منتب بحالي ..
ناظرتني بنظره دلع وهزت وسطها وقالت ورا ماتعقل ياجدع ..
خربتها وقمت وذبيت الرقم وضربت البطن وقلت الوعد ياكوسه أقرب صحن..
ضحكت ضحكه وبينت ضروس العقل ... هههههههههه شهقه . انت جوعان يابرطوم .. يخرب بيتك شو تمساح ...
قلت تمساح ماجبتي جديد .. افضخ بطنك بملاعق حديد ..

المهم وانا مسوي في امها ابو نواس عند ها الماصورة وماسك طريق الشرقيه بالهواجيس بالكوسه مادريت الا ونعلة تمشي مليون فوق راسي .. ابو الجيران يصوت من بعيد غط عصاقيلك وانت وسروالك ....................................... ( مشفر )

قمت وطالعت تحت ومسكت شارعنا على كفر والجلاميد وراي لين دخلت البيت وبوسط الثلاجه على طول,, جلست ساعه مبسوط بالبراد ( ينام تحت بقرتهم )

طلعت من الثلاجه ذابحني الجوع من البرد وجلست احوس بالمطبخ لين حصلت قدر مليان كوسه تطامر تقل عجوز مقروصه
قلت بجرب واشوف يمكن يطلع صدق الكلام وتطلع الكوسه من اكوووووس البروتينات <<< الشرهه ميب عليك بس كمل ..

مسكت وحده وسديت خشمي تقل بأشرب حليب له اسبوع وسقطت الاوله والثانية والثالثه ( اخرتها بيصير زي هدف ماجد المهم كمل ) ..ولو الطعم جاز لي بتلت ادرعم من ها الكوسه لين غدا بطني تقل سنام بعير

صرت على ها الحال كل يوم ادخل المطبخ واخلص على اللي بالقدر واطلع لين صارو يسألوني اهلي وش فيك ماتاكل من تالي .!!
قلت ابد مسوي رجيم متحدي بنت الجيران انه يمديني اجلس على حبل الغسيل اللي بسطحهم ولا يشوفني ابوها واخذ راحتي

.......................
مرت السنون ومن بعدها الضروس ومن بعدها الحقبات وبرطووم على ها الحال ... بس القهر ان النظر كل ماله بردى !! لين صرت ما اشوف الا وعيوني معمشه اصير تقل صيني توه صاحي من النوم ؟؟

بس الحق ينقال .... ياعليها لين موب صاحي >>>> على الحلق


ما يستفاد من الموضوع ...
1- جعلك منتب كوسه عندي
2- من شب على شي صكه واستريح ..
3- لاحد ينصب عند عياله ... والا يفخي ويروح ينصب بالمقهى وهو متلطم .

وسلامتكم واعذرونا على المصاله ... :mad:

.
سلامووووووووووووووووووووون