مدودهة حــــــــــدي ؟ ساعدوني

السلام عليكم ورحمة الله وبركاته
مساء الخير لاحلى بنات حواء بهالدنيا >>> وراك شي منتي خالية :)
الموضوع ومافيه يابنات ياحلوات انا ماعندي الا بنت وحدة الله يخليها لي عمرها ثلاث سنوات وشوي
ماعندها غرفة كللللللش وانا مخططة افضي لها غرفة جلوس عندنا بالبيت لان ماكو غير هي
والغرفة 3×4 بس وانا صراحه خيالي واسع >> ايه راعية طويلة خخخخ
وابي امط الغرفة واخليها تطول اكثر خخخخ لا قصدي ابي منكم ملاحظات مهمة اعملها وتوحي للي يشوف الغرفة بانها كبيرة ابي ملاحظات بخصوص الاثاث والزينة والتسريحه هذ شي


الشي الثاني الغرفة فااااااضية ماغير هالسيراميك الي يلق فيها خخخخخ ومحتارة بالمرة
ومتدودهة وش اسوي ؟
انا ودي اغير بالوان الجدران بس ماقدر ابد لانو نوعية الجدران غريبة شوي وبيني وبينكم تكلف وانا حالتي على قدي
سمعت بورق للجدران ينحط عالجدار ويعطيه منظر حلو ياترى كيف يتحط عالجدار ؟ومنظره بيطلع طبيعي وحلو والا كانه فعلا دهان جدار لانو هذا المنظرالي ابيه


وياليت ياخواتي تقولوي وش افصل بالضبط ؟ سرير وكومادينة صغيرة ودولاب والا ازيد دواليب للالعاب
مدري محتارة حتى نوعية الاثاثمحتارة فيه خشب ؟ ولا حديد ؟ ولا بلاستيك خخخخخخ
والسرير اش كبره بالضبط ؟

والاكسسوارت يابنات ابي محل معروف لاكسسوارت الاطفال عشان ازين الغرفة فيها
شفت مرة بالنت غرفة كلها فراشات الموكيت على شكل فراشة والخداديات وحتى الجدران عليها بس مجسمات بارزة من الفراشات ؟ كييييييييييييييف ؟ ميته عليها مررة

والالوان ؟ اش نصيحتكم
الوردي مابغاه احسه تقليدي الا اذا كان مع موف مثلا او اخضر
اش رايكم بالاصفر الاورانج ؟ طيب الفوشيا احسه حلو مع الاخضر ؟>>>>> والله هذي النشبة


ادري ادوختكم بس بليز تخيلو عندكم غرفة فاضية كلللللش واستلمتم امرها شبتسوون ؟.
البداية من وين ؟ الجدران ؟ والا الاثاث والا الاكسسوار ؟

حاجة ثانية انا حابة لون المفرش تبع السرير يكون نفس لون الجدار والستارة احسه خطير مرة وخصوصا اني شفته بنفسي بالنت


شرايكم بايكيا هالمحل حلو بكل شي بس للاطفال ؟ مدري

بليز بنات ساعدوني واللله محتاجة لكم
انا ميزانيتي على قدي ولا تسمح لي اسوي الغرفة مرة وحدة لاااااااااااا
يمكن تاخذ مني6 شهور او اكثر لاني بحط فلس على فلس والله يعين
سامحوني عالهذرة بس ابي بنتي تكون اميرة بغرفتها