مــذاق القهوهـ خ ــــــــاصه للمطلقات~
صباح الخير كل الخير
مساءالورد لكل الورد
كيفكم يا احلى بنات عالم حواء:27:
قبل لا ادخل بالموضوع حياكم الله بصفحتي المتواضعه.. وهذي قهوتي..
معليش بنات نسيت اسوي لكم حلى بس اذا خلصت الفناجيل بالله كل واحده تجيب فنجلهاا
معهاا..
وعاد الله لا يهينكم من بكره كل يوم وحده عليهاا شي تجيه..
ندخل في الموضوع..
بصراحه بيني وبينكم حبيت اخصص صفحه للمطلقات لاني امس جلست ابكي لما انفجر راسي ابغى احد اشكي له افضف احد يسمعني اذا ضعفت يقويني واكيد منكم كثير مثل حالتي..
وعشان كذا خصصت هالصفحه ..
لاني جلست افكر انو لازم يكون فيه صفحه مخصصه لنا نتجمع فيهاا كل يوم نتناقش فيهاا عن حياتناا ونخفف على بعض ونواسي بعض ونفكر مع بعض كيف نقضي ايامناا الجايه
ونفتح صفحه جديده في حياتناا..
أأأكيد كلنا بقلوبناا جرح ينزف بس اذا خلينا هالجرح ينزف ينزف بيمرضناا يعني لازم كل وحده فيناا تكون قويه وانو بأذن الله بكره احلى..
المهم ياعزيزاتي بقولكم عن قصتي بختصار:
انا كملت شهر من تطلقت لكن بالبديه تعبت كثيروالى الان وانا اعاني بس خلاص ما احب اشكي كثير احيانا من غير ما احس اقول ايه كنت انا وزوجي ورحنا كذا وصار كذا..الخ
مع انو ماصار لي معه شهر من تزوجنا وتطلقت
طبعاا تطلقت لانه هو تعبان الله يشفيه معه نفس
وانا على امل بالله يرجع لي مع انو امي دايما تحطمني تقولي انسي بس انا واثقه واحيانا اخاف انصدم بالواقع واحيانا افكر افكر ذبحني التفكير..
وحاليا ذبحتني الاحلام والوساوس صرت احط بأذني السمعات واحط سورة البقره لحد ما انام..
كيف اشغل يومي..
المهم حبيت اشغل نفسي بأني اكثر الاستغفار
واخصص جزاء من وقتي اقرا القران الكريم
وخصوصا اقرا سورة البقره والجن والصفات ويس..
وقررت انو كل يوم اخصص مبلغ يكون صدقه سوا كان ريال او اللي اقدر عليه وحطيته بمحفظه خاصه..
واني احاول ابر في امي وابوي الله يطول بعمرهم..
رغم ان حالتي صعبه وظروفي صعبه بعني ما اقدر ادخل معهد بسبب ظروفنا الماديه ونفسي التوظف بس تخبرون ما معي الا الثانوي
والحمدلله على كل حال..
بقولكم وش سويت عشاء امس..
واممممممم وامس سويت لاخواني عشاء معكرونه يا سلام >> اشغل نفسي عن التفكير
واليوم بصراحه ما قررة يمكن نقضيها نواشف
واذا ذكرت شي جيت وقلته لكم..
وش المطلوب منكم!!؟
..المطلوب يعني بهالصفحه ياحلوات نتناقش بكل شي
ونقول ايش سوينا اليوم واللي بخطرها شي اوحابه تكتب تفضفض خاطره تسدحها هناا وبعد اذا عندكم طبخات يسنعات تقولنا عنها ....الخ..
بس يابنات اتمنى منكم كلكم انو تكون ردودنا فيهاا
تفائل ولازم تكون فيكم ثقه بالله اول ثم انفسكم انوو نحنا قويات وبكره احلى ان شاء الله..
يلا قولو لي ايش رايكم بموضوعي واتمنى بجد ينال رضاكم و يتثبت..
..أأأستودعكم الله~
اختكم في الله
شهد..
ترفع لي الموضوع بكون شاكره لهاا