مرة تانية مشكلتى مع صديقتى

الله يخليكم اتحملونى شوية يعلم ربنا ارتاح لما افضفض معاكم انا من فترة كتبت موضوع عن غدر اقرب الأصدقاء لى من غير سبب واضح ويعلم الله انى عمرى ما جرحتها وانها ما شافت منى غير كل خير المهم اصدقائنا حاولوا يتوسطوا بيننا علشان يصالحونا وراحوا كلموها قالت عنى كلام غير سليم وهما صدقوها واتعاطفوا معاها ومشكلتى ما اعرف ادافع عن نفسى وبصراحة هما كويسين معايا وطيبين وعلاقتى بيهم طيبة جدا بس بعد ما شوفت تعاطفهم معاها وهى اللى ظلمتنى وافترت عليه قلبى شال منهم مش عارفة ازاى اتعامل معاهم انسى الموضوع نهائى وخليهم براحتهم واتعامل معاهم بأصلى واخلاقى والا اخذ منهم موقف علشان ظلمونى من غير ما يتاكدوا انا فى حيرة من امرى ونفسى اعرف ليه الإنسان لما يكون طيب الناس ما تقدر له هذة الصفة ليه تعتبرها ضعف وقلة حيلة منتظرة ردكم كما عودتونى جزاكم الله خير