مرت الاجازه ثلاث شهور ما طلعت ويوم جيت اروح لدوام

تخيلو مرت الاجازه من قبل رمضان ما طلعت من البيت الا اللهم لسوق مره ومره لصيدليه في رمضان فقط ولا زارنا احد الا صديقه امي حرمه كبيره جت ربع ساعه مرو علي عيد الفطر والاضحى ما شفت حتى باب الشارع صبرت وقلت هذا قدري الحمدلله على العافيه لكن الي يقهر انا موظفه بقطاع خاص الناس شايله هم الدوام وانا فرحانه عشان المهم طلبوا منا المدرسه نداوم قبل الطلاب لازم نجي الخميس والي ما تجي خصم وتعرفون المدارس الخاصه المهم صحيت الصباح ولبست ونزلت احتري السواق الا اخوي طالعني وقال على وين خير ان شاء الله وطريقته وكلامه الي يشوفه يقول هذي بتروح تتمشى مع خوياتها واربع وعشرين ساعه طالعه قلت للمدرسه قال وش المدرسه الي يداومون قبل الطلاب قلت والله هذا طلب المديره هل تبيني اقول لا قال قولي لا وستين لا وياكلون تبن قلت هدي يا ولد الناس اولا ليش اوكلهم تبن واقول لا لاتنسى اني في قطاع خاص واي مخالفه انا الي ابتضرر وانا ما صدقت القى وظيفه بعد عشر سنين بطاله ثانيا انا مبسوطه اني ابروح لدوم وابطلع اوسع صدري على الاقل اشوف الشارع واشوف ناس بعد حبس ثلاث اشهر بعدين سكتت بغيت اقول يا اخي ليش محسيني اني ابروح اتمشى ولا اروح انفلت ولا اني دائم طالعه وسهرات انا ابروح لضروره دوام هو اخوي صح ما قال لا تروحين بس اسلوبه نرفز صراحه ذكرني اول ما تخرجت جلست اربع شهور ما طلعت ولا شفت ناس حتى ذاك الوقت ما كان عندي نت ولا جوال ولا شي يوم رحت لم دار تحفيظ كنت ابحظر محاظره او اني اباخذ شهادتي واطلع ما اتذكر بضبط جدتي قالت لبوي ايه ها البنت مخلينها على كيفها مخلينها تطلع هذا وانا طالعه لشي بسيط وضروري دوام ودار اجل لو اروح ازور او لم سوق كان وش قالو قسم بلله مقهوره ليش حنا الي ما نطلع واذا طلعنا مره يحسسوننا انتا فلتانين للمعلوميه اخوي هذا اصغر مني