اول شي السلام عليكم ومبارك عليكم الشهر .....
ثاني شي اهو موضوع كل من تكلم عنه ومافي شي جديد
اللي اهو
موضوع الزواج .. كل بنت تتمنى تستقر ويصير عندها عيله وانا بعد اتمنى
بس مشكلة النصيب ..والأهل طبعا
انا خطبني واحد عادي مستواه اقل مني يتيم ماعنده الا اخواته ومتزوجات
وانا مشكلتي عايشه مع امي ابوي ماادري عنه ، بس ابوي قال يوم صارت الخطبه اذا انا موافقه اهو موافق
بس اللي حز بنفسي اهلي اهل امي وامي بعد ....
في خطبه الريايل يقولون له احنا مستوانا كذا ومراكزنا كذا ومعارفنا كذا وقالوا له البنت عمها منصبه كذا وانا عمي ماادري عنه صار لي 10 سنوات ماشفته ،، بس لأنه منصب
وقالوا له البنت عندها سياره مع سواق وانا ماعندي شي
كنت اروح الجامعه بالباص واللحين صرت اسوق بس ماعندي سياره
المهم كلمت الولد بعد ماوفق ابوي بالتلفون
قالت له توني مشتغله في هالمكان و نظام مكافات ماهي وظيفه
اهو استغرب كل حوارنا اهلج واهلج اهلج واهلج وهو بصراحه قالي انا اصحى من النوم متخرع
بعدبن اخته تعذرت
وقالت مو مستعد ماديا وتفركشت الخطبه
امي تقول لانه يبي مصلحه شافج تشتغلين في مكان عادي قال باخذ البنت وباستفيد من اهلها
اهو خطب عادي بس اهما قالوا له احنا وااحنا خلوه يغير نظرته
المهم انا كنت بموت من القهر
الكلام صار في شهر 3 نهايه 4 تفركشت الخطبه
حتى امي مارضت تقوله انا في وين اداوم قالت له عن قعده البيت وهي تدري انه ماخليت مكان ماقدمت فيه
يوم تفركشت الخطبه قلت لها بسببكم انتوا اهي ماتحملت وطنشتي وراحت عني
المهم اختي انخطبت اصغر مني ب 8 سنوات
بس ماادري بينكتب لها او لا
بس انا مقهوووووورة المفروض انا رحت في نصيبي اللحين
احس ان ماعندي احد
وكل من واقف في ويهي
احس انه موضوع الزواج كفاح .. كان تكافحين عشان تتخرجين من الجامعه
لازم تتهاوشين وتسوين سالفه وقضيه في البيت عشان تروحين في نصيبج
يعني انا لازم اتعرف لي على واحد واسحبه لبيتنا
مايصير خطبه عاديه
انا قلت لامي اذا تبين بنتج تروح في نصيبها ماله داعي خطبه ريايل
الصراحه الولد يوم قالي تفاجات
بس انا ما اقدر اقول شي يبقون اهلي وانا احبهم بس حز في نفسي .. احس فيه شي يخليني مااحيبهم
متى يا خلي اشوفك @mt_ya_khly_ashofk
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️