مرقة السمك...
طبعا تعبت من كثرما اجرب من السمك وتكرمون ينرمي بالزباله
اما زفر او طعمه غرييييييييييييييب..
واخيرا حصلت نوعيه اسمه جروبر عندنا بكندا يشبه الهامور بالسعوديه
وسويته مرق(صالونه) وعجب ابو الشباب وقال احلى اكلة سمك اكلتها بحياتي ههههه
طولت عليكم ..بس لاني فرحانه حصلت سمك عدل
واليكم المقادير
سمك انا استخدمت جروبر كمية تكفي 3 اشخاص تقريبا وبهرته بالبهارات الموجوده عندي
من فلفل اسو د وليمون ناعم وملح كركم وبهارات السمك
وبعدين غطيته بالطحين ووضعته شوي بالفريزر ومن ثم
قليته كما هو في الصورة
ثم نحضر بصل مقطع ناعم ونحمسة شوي لحدة ما يتغير لونه وبعدين نحط عليه طماطا مقطه
وكوب تقريبا كزبة مفرومه وهذه هو السر الخطير بالطعم
وتحمسين معاه ملعقيتن صلصه ومعجون طماط.. وشوي ثوم وتحمسين وتحمسين لين ما تنشف الخلطة عندج
ملاحظه كل ما حمستي بتطلع الريح والطعم افضل
ويضاف عليه المويه وحبة فلفل حار وليمون اصفر وثوم صحيح وفلفل اخضر بارد للطعم ومن ثم نضيف السمك والملح
وننتظر الا ان يثخن قليلا
ومن ثم يقدم مع الرز والسلطة..انا سويت الرز لين عشان ا لشيبه عندنا ايحبه مخبوص ولين هههه
وهذي صورته بس السموحه تراها مب واضحه ..لانه مب تصويري تصوير ابو الشباب
وبالعافيه عليكم..جربوه وعطونا رايكم
سامحوني توني ادري ان الصور حجمها كبير..بس زوجي نزلها ومن ثم حذفا من الكاميرا ما اقدر اصغرها...:(
راح اصغرهن لك بس لحظاااات
:)