مساعدة من بنات قطر النشميات وبنات الخبر بعد ما يقصرون

هلا اختي

البنات ماقصروا في موضوع طلعات قطر ماشاءالله
متكلمين عن معظم الاشياء

بتلاقينة في التوقيع

وسفرة موفقة

الاسواق اذا انتي من النوع اللي يحب الماركات فيه عندج
الستي سنتر واللاند مارك والمول ( وحياة بلازا (فيه وباريس غاليري والدو وناين ويست وفيه محل صيني اشياءه حلوه ورخيص كل شي ب 6 ريال ومب غالي الظاهر اسمه دايسو بتلاقينه فوق محل الاثاث اللي اخر السوق )وفيلاجيو (ترى ذا المجمع جنب الحياة بلازا وتوّه جديد فيه محل سيفورا مكياجه يجنن وترى هو الحين احلى مجمع وفيه كارفور وروووووعه ) ورويال بلازا (فيه باريس غاليري وفيه بوتيكات عالميه مثل فيليب شاريول ) والاصمخ مول او يسمونه سنتر بوينت هذا المجمع فيه هوم سنتر ولايف ستايل وشومارت ومحلات ستنر بوينت وستي بلازا والصالوان الازرق
واذا انتي تشترين اقمشه عندج منطقه الاسواق فيها سوق العسيري هذا السوق قديم بس الاقمشه فيه حلوه ورخيصه وتقريبا اسعرهم نفس سعار الجمله بس ترى ما فيها اقمشه زهير مراد وايلي صعب والمصممين العالميين حقت الاعراس اقمشه السهرات العالميه هاذي تلاقينها في سوق الديره بتلاقينه على نفس الشارع وهو سوق مغلق وكل اللي فيه اقمشه وعبايات وعندج سوق فالح عند سوق العسيري هذا السوق كلّه عبايات تجنن ورخيصه وفيه سوق واقف طبعا فيه كل شي طوروه وحطّوا فيه من ورا مقاهي شعبيه يبعيون هريس وجريش <<<<<اهم شي الاكل
وسوق واقف فيه كل شي ملابس وعطورات.....الخ وفيه اسواق غير هالاسواق مثل مجمع الغرافه طبعا هذا في منطقه الغرافه والمجمع هذا فيه مصممين بس فيه محلات حلوه حقت الجلابيات والعبايات يعني اغلب السوق مصممين وخياطين بس فيه كذا محل حلو

واذا انتي تبين شي معين وتدورين له امري واحنا في الخدمه