مساعدتكم بنات في بيتنا شغاااااااله....؟؟

الله يعطيك خيرها ويكفيك شرها

خذي لها ملابس جديده ساتره وواسعه وخذي حجاب

وتناام مع بناات واذا في غرفه بروحها عندكم مو مشكله

اكلها وشربها زي ماتاكلون انتم تاكل هي يعني اكلكم الي تسوونه

اما قص شعر ماتوقع تقصينه هههه ذكرتيني بمسلسل محظوظه ومبروكه الي قصته شعرها

وراتبها اكيد شهرياا تعطونهاا

واذا بزواج اشتري لها ملابس زي تنوره وبلوزه او جلابيه..وبس

تقبلي مروري........

عادي لبسيها مثل الخدم مو اغراء ولاشي واسع ومرتب وبعدين ليش تقصين شعرها زين ماقلتي بحلقه تحقد عليك اذا قصيتي والاكل والشرب معكم عادي اهم شي تخافون الله فيها ولا تعاملونها شين وبس وشيلي خرابيطها اللي بتجيبها وعطيها شي جديد ونضيف وحطولها غرفه لحالها وحمام خاص اذاذ امكن غير السطح لان مشاكله كثيره معهم يالله اتمنى اني افدتك

الله يعطيكم خيرها ويكافيكم شرها وايانا وجميع المسلمين

فحبيت تفيدون وش اسوي معها كيف اتعامل وياها وش اجيبلها

تعاملي معاها بالطيب وكرم الاخلاق عشان تكسبينها وماتحقد وتنتقم وانتبهي تهينينها بفعل او قول لانها انسانه وعندها احساس ولاتكلفينها بشغل كثير فوق طاقتها

وين تنام واكلها وشربها ولبسها وطبيعة شغلها اللي اكلفها فيها
وكل شي متعلق فيهم

تنام في اي غرفة فاضيه عندك ولبسها يكون محتشم وتغطي شعرها ,, واشتري لها شامبو وفازلين وفوط صحيه ومشط واغطيه لرأس وقصاص اظافر وفرشاه ومعجون وبعض الشغلات تجي مامعها الا بناطيل جينز انتي شتري لها قمصان وجلابيات عاديه وهاديه واشتري بعد قفازات طبيه عشان الكلوركس وغيره لانه يجيب حساسيه وبتعانين انتي في المستشفيات حتى تتشافى وانتي جبتيها معاونه لك ,, وبعد اشتري لها ملابس داخليه

والشغل معروف شغل البيت
خاصا ً شعرها طويل اقصه لها والا لا...؟؟
ليش تقصين شعرها هذا شئ خاص فيها وانا اشوفه اضطهاد وسوء معمله وبتحقد عليك من اولها
والتجربه الثلاث شهور اعطيها راتبها والا لا...؟؟
ايوه تعطينها راتب الثلاث شهور الاولى اللي اسمها التجربه لانها اشتغلت ولازم تأخذ اجرها عليه
واذا كانت عندنا مناسبه مثل زواج اخوي او اختي البسها عبايتها واخليها بالزواج بهاللبس

عادي للو تجلس بالعبايه او اشتري لها لبس حلوو مثلا تنوره وبلوزه او جلابيه
والا اشريلها شي عشان هالمناسبه وتنزل عبايتها..؟؟ اشتري لها عادي
اخاف اسوي شي تحقد علينا وتضرنا
انتي عامليها بالحسنى والطيبه وراح تكون زي العسل معاك ولا ترفعين صوتك عليها وتهاوشينها او تخلين العيال يرفعون صوتهم او يمديون يديهم عليها لانها مسكينه ومحتاجه تركت بلدها واهلها وناسها وبيتها وجت للغربه ولناس ماتعرفهم عشان تشتغل وتصرف على اهلها واطفالها وتبعد من الفقر

الله يسعدك لاتعاملينها الا بتعامل المسلمين وباخلاق المسلمين ولاتحرمينها من اي اكل او شرب ولازم تقسمين لها من اكلكم قبل ماتاكلون منه ,, لان بعض الناس ياكل ويشبع وبعدين تجي الشغاله تاكل بعدهم مايصلح كذا وهذا بحد ذاته تفرقه وتعااالي على انسانه زيهم زيها كلنا اولاد تسعة اشهر

واذا شريتوا ملابس العيد لاتنسينها خذي لها لبسة عيد من اي مكان راح تكون عندها اغلى شئ