مساعدتكم في بداية الدراسه

شوفي اختي انتم زينا تقريبا العام احنا مشينا بعد عيد الاضحى وخلينا عيالنا ينتظمون معهم وسحبنا ملفاتهم وترجمنا شهادات الصف اللي قبل عشان الامريكيه
بعدماوصلنا سجلناهم منازل منهج سعودي وكملنا المنهج للتيرم الاول معهم وامتحنوا ولله الحمد ونجحوا ما شاء الله
لازم تسوون زينا اقولك ليش؟؟لانك اذا وصلتي لامريكا باخر شهر11يصيرون المدارس الامريكيه اخر التيرم الاول وماراح يستفيدون عيالك وماادري يقبلونهم او لا ...
خلوهم يكملون منازل ودرسوهم او جيبوا خصوصي واذا انتم بواشنطن بينتظمون لوجود المدرسه السعوديه الوحيده لكن اذا بولايه ثانيه لابد من الانتساب
على بداية يناير بيبتدي التيرم الثاني في الامريكيه البابلك سكول سجلوهم وهنا تعتمد ان شاء الله الشهاده وتابعو العربي اذا حبيتوا للتقويه بالبيت //واذا حابين منازل منهج سعودي +مدارس امريكيه الله يقويكم والا الامريكيه كافيه باذن الله
وفقكم الله حبيت افيدك لاني حاسه فيك

هلا اختي
تسلمين على المساعده.

اما ولايتنا راح تكون في فرجينيا قريب عند ريتشموند.

بالنسبه لشهادات ضروري اترجمها؟وين وكيف ؟

المشكله اللمكان اللي راح نكون فيه كانه قريه مافيه شي قريب يعني ماني عارفه كيف اسجلهم منازل؟ يعني اسجلهم منازل وبالاختبار نروح

واشنطن يختبرونهم؟

ياليت تساعديني بالاجراءت والخطوات الله يسعدك لاني جد محتاره وضايعه.

مشكوره على المساعده وبنتظارك.

هلا اختي
فرجينا قريبه من واشنطن تاكدو من ان المدرسه مو بعيده عنكم اعرف بنات بفرجينيا وعيالهم يدرسون منتظمين
الشهاده لابد من تصديقها من ادراة التعليم وذلك للمدرسه السعوديه وبرضو ادارة التعليم تترجم لك شهادتهم للمدرسه الامريكيه
واحنا ترجمنا شهادات التطعيم والميلاد لانهم بيطلبونها هذي لابد من مركز للترجمه ادارة التعليم للشهاده فقط
تسجيل المنازل تدخلي موقع الملحقيه واكاديمية الملك فهد بواشنطن هناك ادخلي قسم المنازل وتلاقون استماره تعبى,,وبتلاقون المسؤله عن الانتساب اسمها اماني اخذو ايميلها ورقمها اتصلوا بها كذا مره وراعو فرق التوقيت يعني من 8الى 9 الليل اتصلوا عليها عبوا الاستمارات اهم شئ
طبعا بيكون فيه مركز للامتحان لكن بعض المدن زي مدينتا مافيها ""لابد ترشحون مشرف اما امام مسجد او اي احد بيتكفل بامتحانهم ترسلون عنوانه للمدرسه وترسل للمشرف الاسئله ويمتحنهم قبله بيكونو راسلين لكم الجدول ووقت الامتحان
انتم بتضطرون التيرم الاول على هالحوسه""التيرم الثاني بتكنسلونها الامريكيه وبساتوقع لان اكثر الاخوات فقط الامريكيه لان المنازل وجع راس""
اي سؤال انا بخدمتك وحياك بتجمعنا في قسم المغتربات لاي سؤال

مشكوره حبيبتي على المساعده واعتذر اني تعبتك معي لكن تحمليني

واذا احتجت شي براسلك على الخاص اذا مايضايقك.

اكرر شكري .