مستشفى التخصصي الطبي بالرياض.....تعالوا شوفوا وش صار معي

السلام عليكم ورحمة الله

كيفكم يا احلى بنات وحريم وحوامل :D
ما عندي مقدمه أقولها

تابعت بـ مستشفى التخصصي الطبي
ما توقعت في مستشفى بهذا النظام
طبعا انا ما اتكلم عن الدكتوره منال بشي ابدا هي رووووووووعه و أسلوبها يجنن
بس نظامهم .................

أقولكم وصار معي...

كنت أتابع بـ مستشفى الحمادي وكان الوضع تماااااااام مواعيد وتعامل وحتى بعد الولاده..
بحملي هذا قلت بغير بروح يا مستشفى المملكه أو مستشفى التخصصي الطبي
وقلت خلاص التخصصي الطبي و كلمتهم بأخذ موعد عند د. فاطمه عسيري بعد ما مامدحها كثير
قالوا ماعندها موعد الا الصبح قلت أوكي قالوا أقرب موعد بعد شهرين !!!!! قلت اوكي ..
بعدبن قلت على الاقل أتطمن على البيبي والتحاليل قلت بأخذ موعد قريب مع أي دكتوره وكلمتهم قالوا
د. منال خربش توكلت على الله وأخذت اول موعد ورحت الموعد وقالتلي وش عندك
قلتلها موعد اخر دوره فتحت درج عندها قالت خلصت الاوراق ؟ وقامت تجيب ورقه تكتب فيها
كم كلمه وعطتني موعد لتحليل وألترا ساوند (الاشعه) ورجعت البيت وثاني يوم كلمت المستشفى
أخذ موعد قالوا التحليل بأي وقت والالترا ساوند
لازم مع د. منال خربش والدكتوره طلعت المستشفى عندها
شغله 20 يوم قلت اخذ عند أي دكتوره اهم شي اتطمن على البيبي
وأسوي التحليل ورحت للمستشفى دخلت المختبر
قالت الفلبينيه صايمه قلت لا قالت لازم تصومي علشان الجلوكوز
قلت اجيكم بكره رحت للأشعه
قالوا لازم تأخذي الموعد مع د. منال خربش قلت لهم انها ما هي
موجوده عطوني أي وحده تسويلي الاشعه مافي أمل ..... رجعت البيت وما سويت شي....
وأخذت موعد لما رجعت د. منال
بس ما حطوه معها لا حطوه أشعه عاديه وأنا قلت لهم مع منال ورحنا وكنت صايمه وسويت التحليل
ورحنا لموعد الألترا ساوند قالوا ان منال طلعت خلص دوامها وما حطيتوا الموعد معاها تجي بكره وتنتظري لين ماتخلص مواعيدها وتدخلك؟؟؟؟؟؟؟؟؟؟
هنا زوجي عصب وجينا بنطلع قال زوجي انتظري شوي
وراح يكلم واحد سعودي يشتغل بالمستشفى وقاله القصه
ولنا شهر واحنا بهالحاله دخل على الكمبيوتر وقال موعد الاشعه اليوم
وعندها موعد مع د. رولا قلنا ايه رولا علشان بس نتيجة التحليل ومنال الاشعه
وفاطمه عسيري هي الدكتوره اللي انا ابيها
بس مو راضين يدخلونها للأشعه لازم تكون مع منال
راح السعودي يتفاهم معاهم وقال بكره عندك موعد مع منال خربش تعطيكم الاشعه ونتيجة التحليل الساعه 7 مساء قلنا اوكي ...
وتجهزت من الساعه 5 كاني بروح لأهلي المهم ما جاء زوجي الا تقريبا الساعه 7.15 قال تأخرنا عليهم قلت يعني
قال أحسن وبتطاق معاهم لو قالوا شي !!!!!

ودخلت المستشفى وقعدنا ننتظر ونتظر ونتظر
وتناديني الفلبينيه وتمشي اللي فهمته اني ألحقها استغربت
سالتها غرفة الدكتوره من هنا وين رايحه قالت انتي روحي عند الدكتوره قلت على الاقل وصليني؟؟
ورحت لغرفة الدكتوره في ثلاث حريم وأزواجهم واقفين على باب غرفه الدكتوره
وحده راحت وزوجها قاعد وبعد ماخلصت من الاولى والثانيه جاء دور الثالثه و انا اتفرج عليهم وانا من داخلي نااااااااااار ودي امسكهم واقعدهم
ولما يخلص دوري يدخلوا ... وليش ينادوني وعندها كم وحده وش ذا النظام؟؟
زوجي راح يكلم الرجال السعودي المهم دخلت على الدكتوره قبل لا تدخل الثالثه
وقالتلي نتيجة التحليل وكتبتلي على
فيتامينات
و تسألني الدكتوره وين ممرضتي قلت نعم قالت الممرضه حقتي وينها !!! بغيت اقولها تعالي ندورها بشنطتي .....

وتأخذ جوالها وتطلع وتدخل الممرضه الفلبينيه وهي تتكلم بلغتها وشوي انجليزي
واخذت وزني والضغط وطلعت دخلت الدكتوره قالت قاست لك الضغط والوزن
قلت ايه قالت وين مكتوب بأي ورقه قلت ما كتبت شي ؟
قالت اللحين عندك ألترا ساوند روحي انتظري شوي
وخذي فاتورة الادويه من الممرضه (المفروض يكون عندها)
وأعطيت الممرضه البطاقه وسجلت وعطتني الورقة
وراحت تعطي بطاقتي لوحده قاعده بالانتظار بنفس اسمي وانا قدامها !!!
وجت الله يعطيها العافيه ويولدها بالسلامه وعطتني البطاقه ...
وانتظرت الاشعه ودخلتني الممرضه
وقاعدين ننتظر البروفسوره منال ما أدري محد غيرها يعرف يسوي اشعه
ودخلت علينا بعد ربع ساعه أو اكثر وبدقيقه خلصت كل شي انا استغربت وش فيها ؟
وقمت ألبس عبايتي وهي طلعت
واقفه عند الباب ومعها وحده يعني نسيتني وهي جايه تسوي للي معها
أشعه وشافتني وخلصتني بدقيقه علشان اللي تنتظر
عند الباب.....
وما صدقت طلعت من المستشفى.............

وش رآيكم أكمل بالمستشفى ولا أطلع ...
واذا ما كلم زوجي الرجال السعودي كان قعدنا ثلاث شهور ورى الألترا ساوند........

الله يرزق كل محرومه الذريه الصالحه...
الله يسهل الولاده على كل حامل....