مشاغل الرياض - " حياكن يا بنات حواء "

السلام عليكم ..
مساءكم | صباحكم ورد و ياسمين
من غير مقدمات ببدأ بفكرة موضوعي ،
* الفكرة |
كل الموضوع يدور حول مشاغل الرياض ،
يعني ببساطة | اي وحدة عندها خبرة بالمشاغل تكتب وش تعرف هنا بهالموضوع
سواء كان : ( مكياج - تسريحات - قصات - بديكير و منيكير - )

* شروط المشاركة |

- عدم الخروج عن الموضوع
- كتابة اسم المشغل - اسم افضل كوافيرة بالمشغل او الي مجربتها و عجبتك - تحديد افضل شي بالمشغل سواء كان ( مكياج - تسريحات - قصات ) - اسعار المشغل - مكانه ( حتى لو كتبتي اسم الحي بس ،
او ممكن وصف مطول لو حابه ) - رقم المشغل او رقم الكوافيرة الي بالمشغل
* بنات الله لا يهينكم ركزوا ع الشروط و حاولوا انها تكون كلها موجودة بمشاركتك عشان نستفيد ..

* اهداف الموضوع |

بالاول اصلا الفكرة جتني لاني كنت بنزل موضوع اسالكم عن مشغل حلو لقص الشعر بالرياض
بس قلت ليش ما انزل موضوع يكون عن المشاغل و جتني هالفكرة و كتبت الموضوع ..
- الاستفادة لكل بنات حواء
- تبادل المعلومات عن المشاغل سواء كانت ( مدح اوذم )
يعني الموضوع مو بس عن المشاغل الحلوة ، يعني اي وحدة تعرف مشغل حلو او مو حلو و ايش السبب تقول لنا بهالموضوع عشان الكل يستفيد ..

- اتمنى الموضوع ما يكون مكرر لاني ما لحقت اتصفح المنتدى بشكل كافي .
- اتمنى الموضوع يتثبت من المشرفات

- و طلبي الحين : اي وحدة تعرف مشغل حلو لقص الشعر بالرياض الله يجزاها خير تقولي .
- انتظر مشاركاتكم و تفاعلكم في الموضوع