مشاكلي المتفرقه

السلام عليكم ورحمة الله وبركاته
ماني عارفة من وين ابدا
كان حلمي اني اتزوج واحد له لحية ويكون رجل يخاف الله والحمدلله تحقق حلمي
ويوم رحت لاهله انصدمت من ان اهله انهم يقعدون مختلط ولا بعد ياكلون مختلط 
المهم تميت قاعده بعباتي لاني كنت لابسه بدله
المهم وبعدها قمت البس داريع بس واسعة وما احط مكياج الا يوم شافتني امي وقالت لي البسي عباية كتف اذا رحتي لهم المهم تميت علي العباية وما احط مكياج طبعا في البداية لاقيت ردة فعل منهم قوية لكني ما رديت علي احد وتميت بعباتي وبدون مكياج
بنات انا اغار من زوجات اخوان زوجي يكشخون ويلبسون وانا احس كاني عجوز بينهم لا مكياج ولا شي 
والمشكله الثانية ان زوجي فجاة ما ادري اشفيه حلق لحيته وصار مو زوجي اللي اعرفه  يعني صلاته مو منتظمه
في البداية كرهت زوجي احس انه رجل غريب من بعد ما حلق لحيته لان شكله تغير واصبح بالنسبة لي شكلة مو حلو ومريت بفترة الله لا يوريكم حتي اني اتقزز اني اطالع بوجهه
والحين علاقتي بزوجي عادية وجافه واخر مرة جرحني بكلام ومو قادرة انسي كلامه لي
بنات صار قلبي يفز لاي واحد اشوفه ملتحي 
واحس اني بديت اكرهه
حتي مرات ادعي بان الله ياخذ روحه وارتاح
لاني مو مرتاحة معاه 
وبعد اللي زاد كرهي له اني مرة شكيت له اني مريضة بمرض نفسي وابغي اتعالج قعد يصارخ بوجهي انتي مافيك شئ ومن بعدها بدات معاناتي تزيد 
فوق اني اعاني  ومع كل هذا منعني من العلاج
والله يابنات كلما يشتد علي مرضي اقعد اصيح وابكي وادعي عليه لانه منعني من العلاج والحين اهو لاتشوفنه مديون وحالته حاله وانا اقول بيني وبين نفسي كل هذا من دعاوي عليه
خلاص احس اني كتبت وايد اخاف ماتقرون مشكلتي لان عندي كلام وايد بس خليه بالقلب

بنات نسيت ما اقول لكم عن نقطة مهمة
ذاك اليوم جاني زوجي كان توة جاي من بيت اهله
كان يقول لي انتي ليش ماتحطي بودرة و فونديشن لما تروحي لاهلي
انا استغربت من كلامه قلت له ليش ومنو قالك قال اهلي يقولوا ليش زوجتك ما تحط
المهم انا سكت وقلت له مالهم دخل وبعدين انت تعرف انا ليش ما احط
انا كنت اول احط كريم حماية لبشرتي ومرات احط كريم يخفي العيوب
بس بالفترة الاخيرة صج اني اهملت نفسي وما صرت احط ولا شي علي بشرتي
والسبب اني كنت امر بظروف ما يعلم فيها الا ربي
طبعا محد يدري اني امر بظروف صعبة
انا ما ودي احط اي شي بوجهي اذا رحت لهم اخاف يقولوا عني
انها اسمعت كلامنا وحطت والا اشرايكم
انا ودي اتغير وابدي اهتم بنفسي وبشرتي لكن الله وحدة العالم
بالمريض النفسي واشكثر يعاني