مشروع استوديو للتصوير

انا اشوفه مشروع حلو
بالتوفيق لك عزيزتي

جزاك الله خير ماقصرتي يالغلآ

أنتظر البقيه يفيدوني :)

انا كمان عندي هواية التصوير وناوية استغلها كمشروع يدخل عليا ان شاءالله

بس الاشياء الي فكرت فيها

انو اي عروسة مابتطلب فوتوغراف لوحدو كمان بتطلب فيديو
ودا صعب عليا لاني ما اعرف للفيديو

ولو فكرت اني اتعامل مع وحده من برا يمكن زباينها يتعارضو مع زبايني في الاوقات او مااضمن صدق تعاملها


تاني حاجه المكان
واهتديت انو الاعلانات تكون على النت
والعينات برضو تنزليها على النت ولو وحده حابه تشوف بعيونها تجي البيت تشوفها


تالت حاجه الخامات
زي ما انتي عارفه دحين التصوير تطور جدا وصارو يطبعو على الخشب والقطيفة والاباجورات
وشغلات خيالية وروووعه
فما بعرف من فين اوفرها وبحس انو مافي احد يحقلي على سرو لو سألت


ما ابا احبطك بس بلفت نظرك لدي الاشياء عشان تركزي عليها وتبدأي تبحثي عنها

وربي يوفقك ويوفقني انا كمان

دعواتك ^_^

الله يوفقك

ابدأي فالنت وسويلك بزنس كارت عشان يعرفوك الزباين اكثر
موشرط محل او تستأجري ركن
وتقدري برضو تشاركي بالبازارات تعرضي فيها عينات من اعمالك عشان تنتشري اكثر
والمشروع مررره حلو ومكسب باذن الله :)