مشكتلها من عشر سنين

صباح الخير
هذي اختي سلمكم الله لها عشر سنوات متزوجه مشاكلها مع زوجها لسااانه وصصصصخ ومصروف عمره مامشالها مصروف
مع نفسه وعياله كرييييييييم ولايلبس الا من اغلى الملابس
لكن اختي بطلعة الروح فيه انانيه بس نفسي انا وعيالي
ومرات يقولها بلاش شحاثه ليه ذاله نفسك عندي روحي اهلك يعطونك وكلام كثيييييير
حتى اذا جاب من المطعم شي قالت ليش تجيب هذا ماجبت بيتزا يرد عليها بعشررررررررر انتي اصلا مااكلتيها عند اهلك وانتي وانتي لسانه متبري مننننننه
حتى الملابس ماعرفتيها عند اهلك مالبستي الا عندي
وانتي وانتي تقول مادري ايش شايف قدامه
اختي شخصيتها قويه وصارت تررررد الكلمه عشر حتى بالصيف تخيلو بتسافر قالت له ماعندي كسوه قالها دبري نفسك ماعندي لك شي ونزل وقضى لعياله من كلللللل زين وهي لا
للعلم راتبه ١٨ الف
قالت بشتغل وافتك من منتك ررررفض قال ايش تبين الناس تقول زوجته اللي تطبخ ولا تغلف
الزبده مالكم بالطويله
تهاوشت هي وياه عشان ذا المصروف والله ماتشتري كسوه من عنده الا وذي دمعتها على هالكسوه يطلعها من خاطره
صارت اختلافت ودخل ابوي مصلح في السالفه بينهم
وهي متحلفه ان تطلع كلامه الردي فيها خصوصا اذا اختلفوا يلعن ابوها وامها وسابع جدها
وتقول ماتكلمت قال ابوي المره اللي فيها خير ماتطلع ردى زوجها
وابوي يحاول يتغاضى مايبي يسمع واختي تقول يقولي ويقولي من هالكلام غصب تتكلم
قال ابوي اذا اختلافك معها عالمصروف انا احولها شهريا مصروفها وخلاص لاتصرف عليها احشمها وبس
وايدك لاتمدها لاني والله مابسمح لك فيها
انحررررج زوجها قدام ابوها لانها تكلمت ببعض الكلام اللي يخجل مررررره وهذي ماهي اول مره هذي رابع مره يدخل ابوي صلح بينهم
وكلامه نفس ماهو من عشر سنين ابدا ماعقل هالادمي في غرور اعوذ بالله مايقيس الناس الا بملابسها تفكيره سطحي
الزبده اختي تقول تمنيت اني سكت وصرت مثل الحريم اللي تتغاضى وتصبر وبنفس الوقت تقول احسن فيه عجزت وانا اشوف نفسي حسره يلبس هو وعياله وانا لا علي بالحسره
على فكره لبسه هو وعياله من افخمممم الماركات اللي من ايطاليا وسويسرا
وراعي سفريات مايحب يجلس في بيته
بس للامانه ماهو راعي خرابيط ابد
لكن لسانه سليييييط متبري منه ماله جميل لو يعطي الف ريال طلعها من عين عينها سب وشتيمه وووووو
الحل يابنات معه تقول هو بقلعته بس تقول عيالي ماودي اشتتهم لو انه قايل لي روحي اشتغلي اللي تبين كان سديت حاجتي افتكيت من لسانه ومشاكله على هالكسوه




وكم مره تجلس معه بهدوء وتلعمه انها بحاجة لاغراض تنقصها يقول خلاص طيب وبعدها يعطيها اول شهر ويسمع المدينه كلها ويتهاوش ويحلف ولاعاد ينزل لها شي منااااااااااان مره مره
حتى امه تقول والله مايرسل لي شي كلهم عيالي يرسلون لي الا هو ايش اسوي افيه
لاتجي وحده تقول تاخذه بالهداوه وتعلمه ماخلت شي مافاد فيه