مشكتي المحيّرة مع زوجي واختي //اكتفى من الردود

السلام عليكم ورحمة الله وبركاته 
بنات حبايبي شوفوا مشكلتي وتكفون حاولوا تساعدوني لاني محتارة 
انا سكنت جنب اختي وما كنت ابي اسكن لان اختي هذي مريضة نفسيا الله يرفع عنها وكذلك انا واياها قبل عشر سنوات كان بينا مشاكل كثير 
بس بعدما سكنت جنبها صلحت العلاقة شوي
المهم زوجي من النوع اللي طايرة عيونه وذكي جدا وصعب العب عليه بشي
ويعرف الجميلات من اقاربه تمام التمام
شي يخرع كانه يشوفهم حتى لو مرة ولد او ناس مناسبينهم يعرف ع طول 
لاتسألوني كيف 
لاني انا ما ادري 
بس اتوقع مجتمعهم فيه الشي هذا من زمان وترى انا ما اتكلم عنده ابد
اختي هذي هي وزوجها مشاكل من زمان وهو رايح ومخليهم والظاهر انه متزوج وحنا سكنا وهو غير موجود ولا يزال كذلك 
طبعا هو واصله خبر بطريق غير مباشر من اهله الله يهديهم ان اختي هذي حلوة
وهي الصراحة حلوة بس هو موب متأكد وداايم ينق علي بهالموضوع ومن احلى وحده من خواتك ؟
انا اعرف انها فلانه ( جارتي) وهي الصراحة مو احلى وحدة ؛ طبعا انا ارد اقول كل اخواتي حلوات الحمدلله
عشان يحس اني مو هامني الموضوع
وبين الفتره والثانية احس حن عليها مرره وصاير يجيب لهم اغراض ودايم يقول عطي اختك عطي اختك .. ودايم يقول مسكينة ماعندها زوج مسكينه تحس بالوحدة<< ومن هالحكي ..
ويقول ؛ والله زوجها ما يستاهلها 
طبعا انا ما بين قهري واقول صح والله الله يفرج لها
طبعا هذي اختي اكبر مني بكثييير 
اللهي قهرني قبل كم يوم كان طالع ولقاها طالعه لعزيمة وشاف طرف عيونها ويدينها والكحل والكعب وكيذا 
وانا طلعت بعدهم بشوي للسوق فقالي شفت اختك وعيالها توهم طالعين مع السواق 
سكت انا 
وحنا راجعين من المشوار قالي صح اختك فلانه حلوة؟ قلت كلنا الحمدلله حلوات قال الا هي احلاكم وقمر ومدري ايش ( كلام يرفع الضغط) وهي طويلة وبيضاء وعيونها وساع( والكلام صحيح) 
طبعا عرفت انه شافها وماتحمل يسكت..
طبعا قلت انا ي عمري عليها بعلمها عشان تنبسط ( قصدي باعلمها انك تقول انها حلوة ) 
طبعا وانا مستحيل اعلمها بس اقول له كذا عشان يحس انها مو حلوة وعشان بعد يستحي ع وجهه 
قال لا لا تكفين يا ويلك عيييب
للمعلومية اختي هذي ما تحب زوجي ابد ولا تحس انه طيب لاني اشكي عليها منه 
بنات وش اسوي 
المشكله انا شكلي بالعباية ميح لاني قصيرة وما ابغى اغضب ربي ازينها عشانه

بس وش اسوي كيف اخفف شعوره نحوها 
هي عندها مشاكل صحيه وجلدية
تتوقعون اذا درى يخف شعوره
والله ي بنات لاتتوقعون اني احبه ؛ بس هو قدري ولازم اتحمله ولازم ما خرب بيتي .
الله يعافيكم ي مشرفات لا تحذفون الموضوع