مشكلة أخي الصغير مع الحمام

السلام عليكم ورحمة الله وبركاته
اخواتي ودي استشيركم من واقع خبرتكم يمكن احد مر بهالمشكلة
اول شي اخوي الصغير عمره ٤ سنين وبيدخل في ال ٥ بعد شهرين تقريبًا
وهو ما شاء الله طفل ذكي ويتناقش ويتحاور ويسأل ويفهم ويعطي افكار ذكيه ويجاوب اجوبه تبهرني ويلقط المعلومات بسررعه لكنه حااار وعصبي ويتنرفز بسرعه وعنيد وصعب الارضاء وغيووور بالذات انه اخر العنقود 😩
طيب نرجع للمشكلة اللي هي وانتوا بكرامه قضاء حاجته التبرز فقط يعملها على نفسه ما اعرف ليه مع العلم انه تعلم الحمام من يوم عنده سنتين ونص وتعلمه بسرعه وكان اذا جاه الحمام يمسك نفسه ليين اخر لحظة ثم يروح الحمام لكن ما يعملها على نفسه ابدًا تعلم الحمام بسرعه ماشاء الله وما تعبنا لكن الحين فجأه من حول شهر صار يتبرز على نفسه والمشكلة ما يعترف نشم الريحة ويوم نسأله ينكر ويقول ما سويتها ويبكي !
سألته اكثر من مره وناقشته ليش تسويها على نفسك وما يجاوبني على اني قد قلت لكم انه يحب يناقش ويسأل ويجاوب الا هالموضوع وقد خوفته وقلت له في جراثيم بتاكل عيبتك اذا عملتها على نفسك وبينزل دم ويودوك المستشفى ويخاف لحظتها ثم يرجع يسويها مره ثانيه ! واخر مره عصبني مره لانه نزل ع الارض وهااوشته وصارخت عليه وقلت له اذا عملتها مره ثانيه بعلم بابا يوديك المستشفى وصار يبكي ويترجاني ما اعلمه وقلت له خلاص ما حعلمه بس ما تعملها على نفسك مره ثانيه ووعدني انه خلاص تمام ونظفت وراه وبخرت وما امداني اجلس ساعه بس الا هو سواها مره ثانيه وحاشر نفسه بالزاويه ويقول ما سويت شي وينكر كالمعتاد 💔
انا تعبت قولوا لي وش السبب بالذات انه خلاص من زمان تعلم الحمام وحتى يوم ينام ما يسويها على نفسه وترك الحفايظ من زماااان
من خبرتكم وش السبب ؟ وايش الحل ؟
ادري طولت عليكم بس كنت ابغى اذكر التفاصيل لانها ممكن تكون مهمة والله يجزاكم خير ☹️🙏🏻