مشكلة ابدية .. ساعدوني فيها زي ماساعدتوني باللي قبلها

السلام عليكم ورحمة الله وبركاته
اخواتي بالموضوع السابق اللي كتبته او بالاصح المشكلة الاولى اللي طرحتها
هنا الحمدلله حسيت بتغيير شوي للاحسن وهالشي بفضل الله ثم بفضل دعواتكم الله لايحرمني
من كل اخت دعت لي سواء برد منها او دعوة بقلبها لي وربي يفرج همومكم وهمومي وهموم كل
مكروب يارب

مشكلتي الثانيه

بنظري احسها هي المشكله الاساسيه واي مشكلة تواجهني تكون فرعية منها

ابي تفسير للي قاعد يصير والله عجزت افهم شي
يمكن القى وحدة منكم يصير معها نفس اللي يصير معي وتقدر تساعدني بحل
وممكن كلامكم يريحني وهذا اللي اتوقعه ان شاء الله

يابنات مشكلتي انا واهلي نحس اننا منعزلين عن العالم كل شي يصير معنا غيرررر
مع اننا ولله الحمد نخاف الله ونعامل كل اللي نعرفهم واللي مانعرفهم بمايرضي الله
طيبتنا يمكن خلت الناس يحسون اننا ضعاف؟؟؟؟ والله موعارفه
دايم نحس الناس ضدنا ودايم يخلونا على غلط ونحنا صح ((((( بعطيكم مثال اقرب لكم اللي اقصده ))))
مثلا

وحدة من معارفنا تغلط فينا غلط يمس سمعتها او شرفها ونحنا مع كذا نحاول اننا نتجنب الكلام عنها علشان نستر عليها ...... بالمقابل نلاقي الناس يغلطونا ويقولون عنها مسكينة مرررررة وانتم اللي قوايا !!!!!!

مثال ثاني

نعامل زوجات الاخوان بكل طيبه وحب وربي شااااااهد ونعتبرهم اكثر من اخوات لكن نلقاهم استغلوا هالشي وصاروا يلسعونا من تحت لتحت !!!!! ليش؟؟ لاننا عاملناهم بطيبة؟؟ الطيب بهالزمن يدوسون عليه العالم؟؟ ولا لازم نتعامل مع الناس بقلة احترام علشان يعملوا لنا الف حساب؟؟ والله كمان موفااهمه

ياناس حتى الشغالين يكونوا ماشين مع العالم مرة مؤدبين وعندنا يجوا يستقووا علينا ؟؟ دايم نعامل الكل بطيبه والله ماقول هالكلام مدح فينا انا واهلي لكن هذا اللي يصير

نعامل بالطيب ونلقى الشر !!!!!!!!

كثير يحبونا لكن نحس الكل يتجنبنا ... حتى نحنا صرنا نبعد عن العالم ونقول البعد عن الناس غنيمة وراحة صح لكن ليه نبعد دامنا مانغلط؟؟؟؟؟ ليه الناس شايفينا غلطانين حتى لو هو الحق معنا؟؟؟

دايم الغلطان بنظرهم هو الصح والمسكين ونحنا الغلط!!!!

حتى اقرب الناس لنا ماسلمنا منهم

صرنا نسأل بعض انا واهلي ياترى هو سحر؟؟ احد مسوي لنا شي ببيتنا يخلي الناس يصدون عننا ونحنا كمان نصد عن الناس؟؟؟؟

والله حتى الوظايف ماتيجي مع ان في وظايف سهله ونتوقع 99% ان وحدة مننا تتوظف فيها ومااااااااننقبل مع ان شهاداتنا جامعية ومؤهلين !!!

صارت كل فرحة عندنا تنقلب هم

والله صرنا نخاف نفرح لاننا متأكدين بعدها بتجينا مصيبه استغفر الله العظيم بس

مثلا اي زواج يصير لاحد من اخواني مايمر اسبوع الا وتبدأ المشاكل وينفصل ؟؟؟؟
وصارت مع 6 منهم
ولاسباب سخيييييييييفه يصير الطلاق ومو برضى مننا

موعارفه ايش اكتب وايش اخلي بس والله من الحرقة اللي فيني

صرنا حتى ونحنا بالبيت مو قادرين ننام .. ننام نوم قلق ((((((( هذي كانت مشكلتي السابقة اذا فيه وحدة تذكرها ))))))) والله حتى ان نمنا ننام نوم مرض اعوذ بالله

قالولنا نجيب شيخ يقرا لنا بالبيت يمكن احد حاط فيه سحر ...... لكن مانعرف احد يجي يقرا ومعظم اللي سألناهم اكتشفنا بالاخر انهم سحرة وبعدنا عنهم

والله بيتنا مايسكت فيه صوت القران الحمدلله ويوميا نشغل سورة البقرة ومو جديد هالشي نسويه

لا والله لنا سنوات

ابوي وامي الله يعينهم والله من الهم احس فيهم هم كمان مستغربين اللي قاعد يصير لهم ولنا


يابنات هذا سحر؟؟؟ واذا كان سحر مين نجيب يقرا عندنا ويكون احد منكم جربه ياليت احد يدلني حتى لو برسالة باسم الشخص اللي ممكن يجي يقرا لنا

اسفة ادري طولت عليكم بس ابي ارتاح والله العالم ان كلامكم ريحني كثير ودعواتكم ساعدتني

ادعوا لابوي وامي واخواني واخواتي وعيالي ولي ان الله يفرج همنا ويبعد عننا اولاد الحرام يااااااااارب ويرزقنا على قد نيتنا وطيبتنا